El Xovellanos remembra a Beckett nel so centenariu cola obra ‘Esperando a Godot’

El Teatru Xovellanos de Xixón remembra’l centenariu del nacimientu del dramaturgu irlandes Samuel Beckett cola representación de la pieza ‘Esperando a Godot’, testu col que’l ganador del Premiu Nobel de Lliteratura nel añu 1969, alcanzaría la fama mundial, siendo consideráu esti cuadru escritu en 1952 como la so gran obra maestra. Por esta razón, ‘Esperando a Godot’ ye la obra escoyida pola compañía de teatru Replica, baxo la dirección de Jaroslaw Bielski, pa representar nos escenarios xixoneses el próximu vienres día 13, a les ocho y media la tarde, cuando se cumplen cien años del nacimientu del so autor.

Jaroslaw Bilski dirixe a los interpretes Jesús Cortes, Raúl Chacón, Joaquín Abad, Luis Martí y Boj Calvo, nesta obra cume del teatru del absurdu cola que Beckett critica’l tediu y la falta de significáu de la vida moderna.