El Wanda Metropolitanu va acoyer espectáculos de cine, teatru, música y humor esti branu

El Wanda Metropolitanu va ufiertar cultura en directu esti branu dende’l 4 de xunetu hasta’l 9 de setiembre per iniciativa de Kultura&Co, con actividaes de cine, teatru, música, espectáculos infantiles, maxa y humor.

Según informó l’axencia ‘beon’ nun comunicáu, el Wanda Metropolitanu, un espaciu referente” nel mundu del deporte, eventos y espectáculos musicales, va convertise nel nuevu escenariu de la cultura en vivu de Madrid. Kultura&Co, que s’enmarca dientro del proyectu beKultura, naz para dar respuesta a les circunstancies especiales provocaes pola pandemia del Covid-19, na que toles ciudaes tienen d’afaese para ufiertar conteníos d’ociu n’espacios que cumplan les normatives dictaes pol Ministeriu de Sanidá.

Una iniciativa que xurde como una ventana a los teatros y a los escenarios en vivu que va ufiertar les más variaes opciones d’entretenimientu a los madrilanos. Nun espaciu al campu como’l qu’ufierta l’estadiu Wanda Metropolitanu podrá esfrutase de conteníos que van tomar cine, teatru, música, espectáculos infantiles, maxa o humor con toles garantíes sanitaries.

Pa ello, l’axencia beon diseñó un espaciu seguru gracies a les últimes tecnoloxíes y sistemes d’aislamientu. Ente les midíes de seguridá destaquen dende un control d’accesu a la cortil por aciu códigos QR, señalización de los sentíos de circulación, personal de control pa recordar la distancia mínima de seguridá, desinfección permanente de la cortil, señalización de les distancies de seguridá dexaes o tótems verticales pa indicar la importancia del cumplimientu de la seguridá.

Na páxina web de beKultura va especificase la cartelera y programación diaria y los horarios de les sesiones, entevistes colos artistes, sinopsis de los espectáculos y l’accesu a la compra de les entraes con selección d’asientos.