Portada Educación El tercer Ciclu d’Ilustración de la Factoría sigue cola obra de Marta de la Vega

El tercer Ciclu d’Ilustración de la Factoría sigue cola obra de Marta de la Vega

by redacción asturnews

Tres la exhibición del artista Enrique Fernández, el tercer Ciclu d’Ilustración de la Ventana de la Factoría Cultural sigue cola obra de la diseñadora gráfica, Marta de la Vega Lobo. Podrá visitase de llunes a vienres de 19:00 a 22:00 hores, hasta’l miércoles 22 de febreru.

Mientres esti ciclu, comisariáu por Raquel Llagartos, los  diseñadores van esponer una ilustración y van proyectar un vídeu que va amosar al públicu los aspeutos ocultos de la creación artística. Los siguientes n’esponer van ser Xelu González, Cinthya Álvarez y Alicia Varela.

Apasionada pol cine y l’arte, tres dellos años trabayando como diseñadora gráfica, Marta decidió dar el saltu a la industria de l’animación. Participó en proyectos como la serie Creepshow, del estudiu Angry Metal o’l videoxuegu Better World de la compañía Possible.

Graduada en Diseñu Gráficu por ESNE Madrid, realizó en Roma’l máster en Visual Development n’IDEA Academy. De la Vega ta en continua busca de la innovación nos sos procesos creativos al traviés de el color y la lluz.

Programación del III Ciclu d’Ilustración “La Ilustración y los sos Procesos”

La Ventana de la Factoría. Avientu 2022 – Mayu 2023

  • 17 xineru 2023 – 22 febreru 2023: Marta de la Vega Lobo
  • 23 febreru 2023 – 23 marzu 2023: Xelu González
  • 24 marzu 2023 – 24 abril 2023: Cinthya Álvarez
  • 25 abril 2023 – 25 mayu 2023: Alicia Varela

 

Tamién te podria gustar