Xixón pon en marcha una escuela de teatru pa promocionar la salú

El Conceyu de Xixón, al traviés de la área División de Promoción, Igualdá y Participación Social de la Fundación Municipal de Servicios Sociales, vieno acabante poner en marcha una escuela de teatru pa promover vezos saludables en menores d’ente 6 y 16 años y favorecer la conciliación familiar.

Nesi sentíu, esta propuesta participativa y d’aprendizaxe activu va desenvolvese les tardes de los vienres y los sábados nel Centru Municipal Integráu d’El Llanu, onde amás d’encetar conteníos rellacionaos cola salú, va tratase cuestiones como la construcción del xéneru, el bon tratu a la infancia como modelu preventivu de conductes disruptivas o factores de riesgu énte’l consumu de sustances.

Van entamase dos grupos de trabayu estremaos por edaes respetando la inclusión de criterios d’equidá con places asignaes a neñes y neños que presenten indicadores de vulnerabilidá, con dalgún tipu de discapacidá o pertenecientes a minoríes culturales:

• Grupu 1 de 6 a 12 años los vienres de 17.00 a 19.00 hores
• Grupo 2 de 12 a 16 años los sábados de 11.00 a 13.00 hores

La Escuela de Teatru entamó esti vienres, 27 de xineru, como una actividá enmarcada dientro de les acciones municipales del Plan Corresponsable 2022 del Ministeriu d’Igualdá. Les persones comenenciudes pueden inscribise al traviés de la web ensin fecha llende una y bones pueden dise incorporando na midida na que haya places llibres de les 40 disponibles.