Portada Plástiques El Reina Sofía salda so delda col arte del esiliu

El Reina Sofía salda so delda col arte del esiliu

by Fernando Glez
Foto: Mattia Panciroli (https://www.flickr.com/photos/dtpancio/)

El Muséu Reina Sofía, nel so enfotu de “recuperar y crear patrimoniu” y pa “saldar una delda histórica”, propón, nuna amuesa que va poder vese hasta mediaos de setiembre, un percorríu pola mirada de Dalí, Gutiérrez Solana o Miró, artistes “escepcionales” que vivieron la Guerra Civil española y l’esiliu.

EL Reina Sofía abre les sos puertes a esti nuevu “episodiu” de la hestoria d’España con esta esposición compuesta por más de 300 obres realizaes en distintos formatos per alredor d’un centenar d’artistes que trabayaron nel terrén cultural y artístico entre 1939 y los años 50, dientro y fora del país.

Una amuesa ambiciosa, cola que, según dixo’l director del muséu, Manuel Borja-Villel, ela institución vuelve poner de manifiestu que ye “un serviciu públicu” que tien como oxetivu “recuperar y crear un acerbo y un patrimoniu”. “Dende’l Reina Sofía, al traviés de los sos fondos, proponen conocer esti periodu de la hestoria del nuesu país nel que ceadores nacionales o internacionales como Dalí, Miró, Tápies, Santos Yubero, Modest Cuixart, Nanda Papiri, Delhy Teyeru o Helen Lewitt reflexaron la so manera d’entender el so tiempu.

A lo llargo de 16 sales de la cuarta planta del edificiu Sabatini, el percorríu empieza na sala titulada “La Victoria”, onde puede vese la entrada del exércitu franquista en Madrid na película “Yá vien el cortexu” (1939), de Carlos Arévalo, según la semeya de “Ramiro de Ledesma” (1945) de Panchu Cossío o la serie fotográfica “Los artífices de la victoria en cielu mar y tierra” (1939) d’Ángel Jalón, que traten de reflexar la imaxe d’una España “triunfal”. La siguiente sala, “El Pan y la Cruz” ye, sicasí, el contraste y nella queda patente, per un sitiu, la España del silenciu y les prisiones, de la fame, de les cartiyes de racionamientu. Aspeutos que se ven reflexaos en pintures que destaca Borja-Villel como “La cordurera (1943), de José Gutiérrez Solana.

El percorríu remata con delles instantánees de Nueva York de la fotógrafa estadounidense Helen Lewitt, collaboradora de Luis Buñuel en dellos de los documentales que’l director realizó na ciudá norteamericana para ayudar a la causa republicana.

A mediaos de setiembre’l muséu Reina Sofía va siguir percorriendo la hestoria d’España al traviés de los sos fondos con otra amuesa que va tomar el final del sieglu XIX y principiu del sieglu XX, y yá en payares inaugurará la “más moderna”, la que va encetar el sieglu XXI, xuna esposición que va ser la que tenga “más sentíu nel mundu distópico” nel que vivimos, concluyó Borja-Villel.

Tamién te podria gustar