Plástiques El pintor y diseñador Julio Saldaña inaugura en Llanes una amuesa de la so obra by asturnet 31 de xunetu, 2005 written by asturnet 31 de xunetu, 2005 60 El pintor y diseñador Julio Saldaña Manero espón dende esti llunes 1 hasta’l prósimu 7 d’agostu parte de la so obra gráfica nuna amuesa que puede visitase na Casa de Cultura de Llanes. Ye la quinta esposición programada dientro’l ciclu d’artes plástiques de branu y la primera del mes d’agostu. Saldaña, qu’estudió Dibuxu y Pintura na Escuela d’Arte d’Uviéu, vien realizando esposiciones individuales dende 1985. La gran característica de la so obra radica nel sobresaliente tratamientu del color. A xuiciu del críticu Jesús Villa Pastur, la so pintura enmárcase dientro un realismu d’apuraes depuraciones espresives, con una gran capacidá tanto pa les apoyatures dibuxístiques como coloristes. Na Casa de Cultura de Llanes presenta una selección de veinticinco cuadros, óleos sobre tela y pasteles, inspiraos nel paisaxe asturianu y castellanu, ensin que falte la so personal visión del Llanes de güei. Ente los numberosos premios que recibió Julio Saldaña, figura el Primer Premiu nel Concursu de Cartelos Fiestes del Santísimu Cristu de Candás, en 2001. Abondes colecciones públiques cuenten con obres suyes, como Caja Duero de Valladolid, Caja de Ahorros de Burgos, Universidá d’Uviéu y Colexu Oficial de Médicos d’Asturies. 0 FacebookTwitterPinterestEmail Anterior Hilario Barrero presenta ‘De amores y temores’ siguiente El centru Asturianu de Madrid entrega’l martes 9 los sos “Urogallos” na Feria Muestres Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...