El Parche va ser l’epicentru nocherniegu tres el Descensu n’Avilés

Esti sábadu 25 en dos pases, a les 23:30 y a les 2:30 hores, tres l’actuación de la orquesta Versión Orixinal, el festival Antroxu’s Dancie va algamar so décimu cuarta edición calteniendo’l so apueste polos DJ’s asturianos.

L’escenariu de la Plaza d’España (El Parche) va acoyer esti festival en dos veces mientres la nueche y la madrugada del sábadu al domingu, yá que se va entrepolar cola actuación de la orquesta Versión Orixinal. Los horarios averaos de los distintos pases son los siguientes:

Sábadu 25

22:00 h. Orquesta Versión Orixinal
23:30 h. Antroxu’s Dancie.

Domingo 26

01:00 h. Orquesta Versión Orixinal
02:30 h. Antroxu’s Dancie.

A lo llargo de los dos veces desenvolveránse les sesiones de los distintos DJ’s que formen el cartelu d’esta XIV edición. Nesta ocasión va cuntase coles actuaciones de los DJ’s The Wolf Crew, Dani Carreño, Mevy y Oliver Ronan, xuntu con dellos alumnos de l’academia “Studio DJ Center” d’Uviéu.

Amás, el públicu va poder esfrutar mientres les distintes sesiones de los DJ’s del espectáculu de la Compañía de Performances Pablo Méndez, que va poner n’escena impresionantes shows con robots 2.0 show laser 3D, performances y aéreos. Festexos contrata la organización d’esti festival dende la so creación a Pericacho, discjockey avilesín afincáu en Mallorca y Eivissa.