Portada Plástiques El Paraísu Panópticu d’Eloy Velázquez aporta al Barjola

El Paraísu Panópticu d’Eloy Velázquez aporta al Barjola

by asturnet

L’artista cántabru Eloy Velázquez dedicó les sos esposiciones nos últimos años a tresmitir por mediu de contundentes instalaciones l’esperecimientu del mundu xurgando nes nueses conciencies y eses instalaciones van poer visitase nel Barjola hasta¡l 30 de mayu.

Esti sentimientu sigue presente na instalación escultórica que l’artista presenta na capiya del Barjola. Nesti casu, la sociedá globalizada onde’l gran güeyu panóptico de les grandes empreses tecnolóxiques xixila la nuesa forma de vida p’allugala na cadena d’algoritmos que terminen desaguando na inmensa cadena del big data, ye la exa de l’amuesa. El críticu Fernando Zamanillo comenta de la obra d’esti artista: “Toi convencíu, con Eloy, que l’arte, impacta más nes nueses conciencies que los discursos o los ensayos sobro la maldá, los sos oríxenes y consecuencies, una y bones les imaxes del horror, sían poétiques, pictóriques, escultóriques, fotográfiques o fílmicas, traviesen los nuesos güeyos como fleches p’agospiase perdurablemente nos nuesos corazones”.

La instalación formada por talles y alturrelieves y vaciaos en madera completar con grafitos sobro papel y un video.

DEL 12 DE MARZU AL 30 DE MAYU DE 2021

Horariu de visita: de martes a sábadu de 11:30  a 13:30 h. y de 17:00 a 20:00 h. Domingos y festivos de 12:00 a 14:00 h.

Muséu Barjola
C/ Trinidá, 17
33201 Xixón
T: 985 357 939

Tamién te podria gustar