El Melandru convoca esti sábadu actividaes pa “enredar” y recaudar fondos

L’Asociación Cultural El Melandru de Mieres va dedicar esti sábadu 9 a les neñes y neños del conceyu con delles actividaes empobinaes a recaudar fondos pa les families en riesgu d’esclusión social de Mieres.

L’Asociación Cultural El Melandru de Mieres tamién va recoyer nesta xornada del sábadu alimentos y material escolar y piensu pa perreres y gatos, dende les 12 hores del meudía nel pariu del Colexu Públicu Aniceto-Liceo de Mieres del Camín.

Les actividaes van entamar a les 12,30 con una exhibición de perretes y actividaes asistíes a cargu de la llobera, pa ufrir depués pala mocedá una exhibición de skate y la posibilidá a los más neños de tener la so primer esperiencia col skate.

Pola tarde les actividaes entamarán a les 16,30 hores con un cuenta cuentos y un taller creativu que va desenvolver el coleutivu Pisar los Charcos. Y pa les 18 hores ta prevista la Gran Chocolatada y el taller de galletes “Decora la to merienda”.

Va haber chigre, mercadillu y Jaima Saharaui y recoyeranse alimentos non percederos y material escolar empobinaos a les families con riesgu d’esclusión social nel conceyu.