El grupu xixonés Mus saca discu cola discográfica sevillana Green Ufos

El dúu asturianu Mus, formáu por Mónica Vacas y Fran Gayo, ta trabayando nel so cuartu trabayu discográficu que va salir a la cai en 2007 de la mano de la productora sevillana Green Ufos baxo’l títulu ‘La Vida’. ‘Fai’, ‘El Naval’ y ‘Divina lluz’, anteriores trabayos de los xixoneses, fueren editaos con Acuarela Discos.

El discu ‘La Vida’, nel que Mus ta trabayando nos estudios Teisco de Xixón, ye un trabayu ‘más lluminosu y accesible’ que los anteriores, al tiempu que ye’l primer trabayu d’un grupu español qu’edite y promocione la discográfica Green Ufos.