El grupu en gallego-asturianu Cádaba toca n’A Caridá

Los conceyos del Parque Históricu del Navia, en collaboración cola Oficina de Coordinación Cultural y Llingüística de la Fundación Parque Históricu del Navia, preparen una serie de conciertos colos grupos y solistes del discu editáu dende esa mesma Oficina nel añu 2010.

El próximu sábadu 24 de setiembre, a les 20:30 hores, la Quincena Cultural d’A Caridá (El Franco), va acoyer a los franquinos Cádaba. Dempués, el grupu de Bual, Mezá, va tener oportunidá d’actuar mientres la celebración de la Festa del Viño en Pezós el sábadu 15 d’ochobre, y pela so parte, la Feria del Miel de Boal, va acoyer de nuevu al grupu Tuenda na tarde-nueche del sábadu 29 d’ochobre.

Les actuaciones, cofinanciaes pola Conseyería de Cultura y Turismu del Principáu d’Asturies y los conceyos de la contorna, venceyar a dellos actos populares celebraos en cada unu de los conceyos participantes. D’esta miente realícense, dende’l pasáu 8 d’agostu, diversos conciertos nos que puede vese a artistes como la solista de Puertu de Vega Elisa, o grupos como los bualeses Mezá, los franquinos Cádaba o’l grupu de Xosé “Ambás” y los suyos, Tuenda.