El grupu de teatru del C.A.I. Naranco actúó pa casi 800 escolares d’Uviéu

A los once de la mañana, los participantes del grupu de teatru “EntreBambalinas” del Centru de Sofitu Integral Naranco xubiéronse esti xueves a les tables del teatru de Pumarín pa representar la obra Pincelaes. Un llenzu nel parque” ante 111 alumnos y alumnes de Primaria de los colexos públicos Ventanielles y Narciso Sánchez.

La d’esta selmana foi tan solo la primer cita, una y bones los miembros del CAI volverán interpretar la obra n’otros cinco vegaes: concretamente’l 28 d’abril, van tener como públicu a los estudiantes de los centros Germán Fernández Ramos, San Ignacio, École y Nazaret; el día 2 de mayu van asistir los alumnos y alumnes del colexu Loyola y Parque Infantil;  el día 3, los colexos La Milagrosa, Juan Rodríguez Muñiz y Lorenzo Novo Mier;  el día 4, los colexu Santa María del Naranco y Lorenzo Novo Mier  y el  5 de mayu, los alumnos y alumnes del colexos La Corredoria y Fozaneldi van ser los postreros n’esfrutar d’esta hestoria.  En total pasaren pol teatru 791 alumnos y alumnes de Primaria de 15 centros educativos del conceyu.