61 solicitantes d’una beca Erasmus esperen la decisión del Vicerrectoráu

Un total de 61 alumnos de la facultá d’Economía y Empresa que solicitaren una beca Erasmus pa pasar el próximu cursu nuna universidá estranxera van tener qu’esperar a la decisión que, al respective, adopte’l Vicerrector d’Estensión Universitaria, Francisco José Borge, pa saber si, finalmente, van poder cumplir el so oxetivu.

La cuestión ye qu’a los 61 alumnos qu’apaecíen na llista provisional d’almitíos, la facultá optó por nun axudica-yos destín al considerar que nun acreditaben el nivel d’idioma. Nuna xunta de la Comisión Internacional de la Facultá celebrada ayeri, a la fin decidió aceptase como certificación l’aprobáu pola Casa de les Llingües, órganu de la Universidá, pero solu pa los que llograren una puntuación cimera a cinco nel exame. Esi requisitu solo cumplir trés de los 64 alumnos. Pal restu, la decisión foi dexar los sos casos en manos del vicerrectorado por que sía ésti’l que dirima si finalmente llogren o non la beca Erasmus.

Los alumnos afectaos tán cafiantes con esta situación porque consideren que la facultá camudó les riegles del xuegu col procesu yá empecipiáu. Por eso piden la dimisión de la vicedecana de Relaciones Internacionales de la facultá.