El divulgador científicu Fernando Valladares convidáu al ciclu ‘De charra col Botánicu 2023’

El Xardín Botánicu Atlánticu sigue celebrando’l ciclu de conferencies mensuales ‘De charra col Botánicu’ qu’esti xueves 30 va cuntar cola charra del biólogu y divulgador científicu, Fernando Valladares. La charra, con entrada llibre hasta completar aforu, va tener llugar a les 19 hores na Antigua Escuela de Comerciu.

Fernando Valladares ye doctor en Bioloxía, investigador del Conseyu Cimeru d’Investigaciones Científiques y profesor acomuñáu na Universidá Rey Juan Carlos de Madrid. Ye un científicu altamente reconocíu, con numberoses investigaciones na so haber, sobro’l papel de la biodiversidá y los impactos del cambéu climáticu y de l’actividá humana nos ecosistemes. En 2021 recibió’l Premiu Jaume I na categoría de Protección del Mediu Ambiente y el Premiu de Comunicación Ambiental de la Fundación BBVA.

La so esmolición pola crisis ambiental emburrió-y a sopelexar numberosos trabayos sobro la crisis ambiental en diversos medios de comunicación y na so canal La Salú de la Humanidá na web www.valladares.info.

El ciclu ‘De charra col Botánicu’ ta enmarcáu nes acciones de divulgación del Botánicu y ufierta, hasta’l mes de xunu, conferencies y meses redondes.