A la vienta les entraes pal XXX Alcuentru Coral d’Habaneres d’Avilés

Les entraes pal XXX Alcuentru Coral d’Habaneres d’Avilés punxéronse a la vienta dende ayeri 29 de marzu, a les 11 hores na taquilla de la Casa de Cultura de la villa, con un preciu de 6 euros caúna.

Entamáu pola Agrupación Polifónica del Centru Asturianu, la trixésima edición va celebrase’l domingu 9 y el llunes 10 d’abril, a les 20:00 hores. Nesti alcuentru van actuar ocho agrupaciones procedentes d’Asturies, Cantabria, Burgos y A Coruña.

La primer xornada va cuntar cola participación de la Coral Polifónica IES Pintor Luis Sáez, de Burgos; la Rondalla al Sejo, de Cantabria; l’Orfeón de Castrillón, y la Rondalla Club de Campu, de Ferrol. El llunes, l’Alcuentru conclúi coles actuaciones del Coru Mistu San Pedro de Cuideiru, el Coru de Muyeres San Esteban de les Cruces, la Rechalda d’Avilés y l’Agrupación Polifónica Centru Asturianu, organizadora del certame.

Ver Programa