El conceyu de Ponga acueye les xornaes culturales “Vezos y creyencies populares”

L’asociación Alfabetización y Deprendimeintu del Asturianu (AYDA) orgaiza esta fin de selmana, 25 y 26 d’abril, unes xornaes en Beleño, conceyu de Ponga, embaxo’l nome “Vezos y creyencies populares” y cola participación d’autores como Roberto González Quevedo, Ramsés Ilesies o Alberto Álvarez Peña.

El sábadu 25 a les 11:30 hores entamen les xornaes cola charra-alderique “El filu d’oru: Relixón ya identidá na tradición oral asturiana” por Cristobo García Pérez. P’hacia les cinco la tarde, Alberto Álvarez Peña va dar llectura a la conferencia “La bruxería n’Asturies” y a les siete la tarde va facese un averamientu prácticu al baille’l país por Ramsés Ilesies, rematando la xornada con una danza na plaza l’ayuntamientu, a partir de la medianueche.

El domingu, a les 11:30 entama la segunda xornada cola charra “¿Fiestes cristianes…o fiestes paganes?” por Roberto González Quevedo, pa finar con una xinta na Fonda Ponga.

L’agospiu y les xintes tán incluyíes nos precios, 30 euros por un día, 60 poles dos xornaes; incluyendo en dambos casos los materiales del cursu. P’apuntase ha mandase un corréu a aydastur@hotmail.es