David Bisbal, primer gran conciertu del branu xixonés

El cantante andaluz David Bisbal va abrir los conciertos de branu de Xixón, el 3 de xunetu y dientro de la so xira de presentación del discu “Sin mirar atrás”. El conciertu va celebrase a partir de les diez y media la nueche na Plaza Toros d’El Bibio y a unos precios que van dende los 24 euros n’anticipada y 28 na puerta.

El nuevu trabayu discográficu de David Bisbal, “Sin mirar atrás” amuesa un soníu bien modernu, ente l’estilu llatinu col que se dio a conocer l’artista nel añu 2002 y el más cercanu al pop-rock del so anterior álbum “Premonición”, editáu n’ochobre de 2006.

Esti nuevu llanzamientu discográficu ye’l cuartu de la so carrera ya inclúi temes que tienen muncha fuerza y grandes dosis de frescura, amás de tola indiscutible ya irresistible personalidá d’una de les estrelles más relevantes y populares del panorama musical internacional.

El primera single col que David Bisbal presenta’l so nuevu discu ye “Esclavo de tus besos”. L’álbum foi grabáu en Madrid, Miami, México, Los Ánxeles, Sao Paulo, Suecia y Londres. la gran parte de la producción corrió al cargu d’Armando Ávila (compositor y productor de la 5ª estación y Luis Fonsi).

Nos creitos apaecen otros prestixosos músicos que participaron na producción del álbum: Sebastian Krys (que yá-y produció dalguna tema en “Premonición”) apaez nesta ocasión como inxenieru d’amiestos de tol discu, amás de producir tamién dalgunu de los títulos del discu; Jacobo Calderón, na producción de dos de les temes del repertoriu. Nel discu participó tamién la orquesta sinfónica de Bratislava, la capital de la república eslovaca; y a lo último, Rafa Vergara y Rayito, que producen y roblen les composiciones de dos temes del álbum.

Ente les collaboraciones especiales destaca’l dúo que se va incluyir nel álbum cola artista británica Pixie Lott, vocalista británica llamada a ser la nueva sensación en tol mundu.