Convocáu’l VII Curso de lingua e Cultura del Navia-Eo

La Fundación parque histórico del Navia, en collaboración cola Academia de la Llingua Asturiana y el Conceyu de Grandas, va desenvolver otru añu más el Curso de lingua e Cultura del Navia-Eo.

El cursu desenvolcerase nes tardes de los martes y xueves ente’l 13 d’ochobre y el 26 de payares, na que va ser la séptima edición d’esti Curso de lingua e Cultura del Navia-Eo.

Taamente como se diz na convocatoria del mesmu, “este curso forma parte del Plan d’Actuacióis da Oficina Cultural e Lingüística del Parque Histórico del Navia en materia de normalización social del Galego-Asturiano prá anualidá de 2015, baxo a tutela da Dirección Xeneral de Política Lingüística del Principao d’Asturias”.

Nesti cursu “de 42 horas de duración xebradas en 14 sesióis, que sigue ás anteriores edicióis amañadas nos Conceyos del Franco, Tapia y Navia, han a darse diferentes materias desarrolladas por espertos da zona, como a iniciación á gramática del galego-asturiano; a sociolingüística y a literatura del galego-asturiano; os oficios tradicionales; as esperencias docentes col galego-asturiano; os paisaxes postindustriales no Navia-Eo; recursos naturales d’Entrambasauguas y, pr’acabar, a música tradicional no Navia-Eo”.

Anguaño, ya s’alcuentra abiertu’l plazu de matrícula hast’l prósimu 30 de setiembre. El procesu d¡inscripción ye’l que vien darréu: “entregar cuberto na sede de la Fundación Parque Histórico del Navia el formulario d’inscripción que pode descargarse, xunta col resto da información, na web d’esta entidá www.parquehistorico.org, además de presentar el xustificante bancario del pago da matrícula (28 €) en concepto de matrícula curso lingua”.