Avilés participa nel IV Alcuentru Estatal de Conseyos de Participación Infantil y Adolescente

Avilés participa al pie de otros 50 conceyos españoles nel Cuartu Alcuentru Estatal de Conseyos de Participación Infantil y Adolescente, que se celebra dende güei y hasta el domingu en Santander.

Axunta a 200 neños y adolescentes representantes d’órganos de participación infantil y adolescente p’aldericar sobre los sos derechos y plantegar nueves propuestes que puedan faer de les sos redolaes llugares más amigables y respetuosos colos sos derechos.

Nel Alcuentru participen 4 representantes del Conseyu Municipal d’Infancia y Adolescencia d’Avilés que conformen la delegación asturiana al pie de otros 16 conceyos asturianos: Belmonte, Bimenes, Cabranes, Candamo, Castrillon, Colunga, Llanera, Nava, Navia, Noreña, Parres, Salas, Tinéu, Villaviciosa, Llaviana y Somiedu

Esti Cuartu Alcuentru ye una iniciativa entamada pol Conceyu de Santander, la Plataforma d’Infancia y el Comité Español d’UNICEF y supon la culminación d’un periodu de trabayu previu que s’empecipió nel mes de mayu por que neños y neñes conocieren si cumplir o non los sos derechos n’España.