Avilés emprestó al alumnáu no que va de cursu 180 equipos y 95 routers

La comisión permanente del Conseyu Escolar destacó na so cabera xunta l’esfuerzu realizáu pa garantizar equipos y conexón a la rede al alumnáu que tien que siguir les clases a distancia. A fecha de 4 de mayu, el Conceyu emprestara para usu del alumnáu 180 ordenadores, 95 routers y 15 conectividades.

Tamién foi importante’l sofitu emprestáu a les families para ameyorar les sos condiciones  a la d’ayudar a los y les escolares énte les clases telemátiques. Asina, lleváronse a cabu dos ediciones de formación dixital para les families nes que participaron 347 persones distintes.

D’ochobre a xineru impartiéronse 5 píldores formatives (Microsoft Teams, Corréu electrónicu con Microsoft, Conversión de Word a PDF, Seguridá y TIC para menores y families y Google Drive: ofimática na nube) nes que participaron 854 persones (213 persones distintes, munches d’elles apuntáronse a dellos cursos)

Na 2ª edición, de febreru a abril, colos mesmos conteníos, la participación foi de 134 persones munches de les cualos apuntáronse a los distintos cursos. Esta formación dexó a les families disponer de les ferramientes básiques para remanase coles nueves tecnoloxíes.

L’acompañamientu socioeducativu ta anguaño funcionando en 5 colexos: C.P. Llaranes, C.P. La Toba, C.P. Versalles, C.P. Marcos del Torniello y C.P. Sabugo, xuntu col acompañamientu na incorporación del alumnáu a los IES de referencia. (Unos 80 alumnos/as). Polo que respecta al programa Transit de compensación educativa ta funcionando nel IES Menéndez Pidal, nel IES Nº 5 y nel IES La Lluz. (Unos 50 alumnos/as)

Más información