Avilés celebra la I Xornada de Bienestar Emocional, Prevención y Autocuidáu

Avilés celebra esti vienres la I Xornada de Bienestar Emocional, Prevención y Autocuidáu (BEPA) pa  mocedá. L’alcuentru tien l’oxetivu de compartir y sopelexar esperiencies esitoses de prevención en materia de salú mental y bienestar emocional nesti sector de la población.

Avilés va celebrar esti vienres la primer Xornada de Bienestar Emocional, Prevención y Autocuidado (BEPA). L’alcuentru naz como un foru para compartir y sopelexar esperiencies esitoses de prevención en materia de salú mental y bienestar emocional nesti sector de la población. Podrá siguise en directu al traviés de la canal del Conceyu d’Avilés en YouTube (www.youtube.com/AyuntamientoAviles)

Anque la cita va tener llugar nel Espaciu Maqua de la cai de La Cámara, va ser d’accesu acutáu a personal convidáu a la xornada, que va cuntar cola participación de profesionales y responsables d’instituciones d’Avilés y d’otres comunidaes autónomes. L’alcaldesa Mariví Monteserín va inaugurar a les 10 hores esta xornada que va ser clausurada a les 14 hores poles concejalas de Mocedá, Raquel Ruiz, y de Ciudá Saludable, Lucía Fernández Ron.

Tres l’actu d’apertura, el programa va arrincar con una charra que’l so oxetivu ye dar a conocer el procesu previu a la organización d’esta primer Xornada BEPA pa la mocedá. Nella van participar, amás de la concejala de Mocedá, Raquel Ruiz, dos nuevos avilesinos: Malena Gil y Diego Sánchez, estudiantes de ADE y Psicoloxía, respectivamente. Dambos fueron impulsores de delles de les primeres acciones impulsaes dende los grupos de participación del serviciu de Mocedá para testar l’estáu emocional de la mocedá avilesina.

La xornada va cuntar cola participación de profesionales y responsables d’instituciones d’Avilés y d’otres comunidaes autónomes. Van presentase les resultancies de la encuesta anónima realizada a alumnáu de la ESO de la ciudá para conocer el so nivel de bienestar emocional y los efectos de la pandemia na so salú mental.

Más información