Portada Conceyos ArteOviedo torna a Trescorrales

ArteOviedo torna a Trescorrales

by redacción asturnews

Un total de 6 galeríes y l’Escuela d’Arte d’Uviéu esponen dende ayeri xueves nesta undécima edición de la Feria d’Arte Contemporaneo del Principáu d’Asturies, ArteOviedo, que torna a la capital y va poder visitase hasta’l domingu, 10 d’ochobre.

La Feria d’Arte Contemporaneo del Principáu d’Asturies, ArteOviedo, torna a Trascorrales esta fin de selmana con la participación de 16 galeríes d’Uviéu, Xixón y Avilés, amás de la Escuela d’Arte d’Uviéu.

El presidente de la Fundación Municipal de Cultura, Jose Luis Costillas, resaltó na presentación de la feria que con  esta nueva edición “demuéstrase’l nuesu sofitu incondicional a les galeríes d’arte local, col afitamientu d’esti proyectu que superó yá los diez años de vida, con una trayectoria ascendente y una calidá de la obra espuesta cada vez más notable”. Concretamente na cita van esponer les galeríes Cornión, Gullermina  Caicoya art Project, Espaciu Liquido, Arte Amaga,  Pablo de Lillo, ATM, Falcón Gallery Studio, Decero Creativu, Alfara Gráfica, Dos ajolotes espaciu creativu, Arancha Osoro, The 451 Shop, Galería Llamazares, aurora Vigil-Escalera Galeria d’Arte, Galería Llucía Dueñes y Octogono.  Amás, la Escuela De Arte Uviéu va ufiertar un video loop de quince minutos de duración tituláu “La cocina del arte”.

El conceyal de Cultura quixo estimar el trabayu d’Iván Dasto, que tuvo al mandu de esti apueste cultural hasta esta edición, na que Natalia Alonso “recoyó’l testigu como nueva directora”. Un añu más, siguió’l conceyal, “esta cita pretende convertise nun referente para’l norte d’España al nivel de les grandes feries d’arte que percuerren el nuesu país”.

Esta propuesta sumase a les yá puestes en marcha pola FMC  “para sofitar y para promocionar l’arte y a los artistes de les galeríes: como’l proyectu Apertura, que se realiza simultáneamente en munches ciudaes españoles y la Primer  Selmana Profesional del Arte del pasáu xunu”.

ArteOviedo inauguose esti  xueves, a les 19 hores y va permanecer abierta’l vienres y el sábadu de 12:00 a 14:30 y de 16:30 a 21:00 hores ente que l’horariu d’apertura del domingu va rematar a les 20:00 hores.

Tamién te podria gustar