Sociedá NAst torna a pidir la oficialidá pa la llingua asturiana by asturnet 6 de mayu, 2014 Una vegada más, nesta ocasión énte la cellebración del XXXV Día de les Lletres Asturianes, NAst torna a pidir la oficialidá pa la llingua asturiana. NUn comunicáu qu’asoleyaben nesti día, la organización atalanta que la oficialidá “ye la meyor manera de garantizar los drechos llingüísticos de los asturfalantes, reconocíos dende cuantayá por organismos internacionales como la UNESCO, y que constituyel primer pasu pa una dignificación, normalización social y caltenimientu reales de la principal seña didentidá del Pueblu Asturianu”. Otra vuelta, esti pidimientu vien acompañáu duna denuncia: la del xenocidiu cultural que tan cometiendo los partíos políticos con representación na Xunta Xeneral dAsturies al ñega-y al Pueblu Asturianu “un drechu democráticu que, por embargu, sí-y reconocen a la ciudadanía daquellos territorios del Estáu español onde hai una llingua propia estremada del castellán”. Poro, NAst quier facer públicul so determín de sofitar el manifestamientu que la Xunta pola Defensa de la Llingua Asturiana convoca pal prósimu vienres 9 de mayu, con salía de la Estación del Norte dUviéu a les 1930 hores, y fae un llamamientu a los sos militantes y simpatizantes a participar nel mesmu de forma activa y crítica: “Camentamos que la situación destrema debilidá na que safaya la nuesa llingua obliga a xuncir toles fuercies perriba de cualesquier diferencia, nuna espresión más de la necesaria xunidá daición éntel xenocidiu cultural al que ta sometíul Pueblu Asturianu”. Dotra miente, tamién quier “aprovechar la ocasión pa criticar les pallabres dAna González Rodríguez, Conseyera dEducación, Cultura y Deporte, pronunciaes demientres la presentación de los actos oficiales de la Selmana de les Lletres Asturianes. Per un llau, porque la señora Conseyera nin siquiera tuvol procuru demplegar la llingua asturiana, faciendo tola so intervención en castellán; per otru, pol fechu de pretender llavase les manes énte la situación descolarización del asturianu dando anuncia, toa gayaspera, de que dendel Gobiernul Principáu diba pidise al Ministeriu dEducación, Cultura y Deporte la especialidá docente de Llingua Asturiana. NAst quier améstase a otros coleutivos, comol sindicatu SUATEA, a la hora de denunciar esta actitú hipócrita, yá quel Gobiernu asturianu lleva años ensin facer un res por dignificar la nuestra llingua nel sistema educativu, dalgo que nun depende necesariamente anque ye un pasu imprescindible pa normalizar la so situación de la esistencia de la mentada especialidá”. 6 de mayu, 2014 0 FacebookTwitterPinterestEmail
Sociedá Andecha llama a manifestase esti vienres pola Oficialidá by asturnet 6 de mayu, 2014 Andecha Astur llama a participar nel manifestamientu pola Oficialidá de la Llingua Asturiana que se cellebrará esti prósimu vienres 9 de mayu pola “situación de represión y amenorgamientu llingüísticu que carecemos n’Asturies” y que “obliga a toos y caún a participar nuna movilización na que la oficialidá de la llingua asturiana tien de ser motivu abondu pa superar desalcuentros y desenfotos”. Ello asina Andecha Astur fai un llamamientu “al conxuntu de la sociedá asturiana pa que participe activamente nel manifestamientu entamáu pal prósimu Díi de les Lletres Asturianes (vienres 9 de mayu) a les 19:30 hores, con salida de la Estación de la RENFE d’Uviéu”. Una vuelta más, diz la nota de prensa qu’asoleyara esti día la organización nacionalista asturiana, “movilizaremosmos p’algamar el drechu del Pueblu Asturianu a la oficialidá de la so llingua, drechu democráticu que mos ñeguen el conxuntu de partíos con representación na Xunta Xeneral, col destacáu casu d’hipocresía reinal d’Izquierda Xunida, organización cuya reivindicación y defensa de la oficialidá consiste n’activar y desactivar plataformes llingüístiques (el Conceyu Abiertu Pola Oficialidá fo’l caberu), y a facer promeses preellectorales comprometiéndose cola oficialidá de la llingua, pa escaeceles sigún los espacios de poder que negocie col PSOE”. 6 de mayu, 2014 0 FacebookTwitterPinterestEmail
Sociedá La Xunta acueye l’actu institucional de la Selmana les Lletres by asturnet 6 de mayu, 2014 Esti martes día 6 de mayu, la Xunta Xeneral d’Asturies va acoyer l’actu institucional de celebración de la 35º edición de la Selmana de Les Lletres, con una xornada dedicada a la promoción del usu de la llingua y a rindir homenaxe a la lliteratura asturiana y los sos autores como vien faciendo dende va dellos años. Amás, nesti 2014 retomase un vezu qu’entamó nel 2005 y aparó nel 2011 por cuestiones presupuestaries: la edición y publicación de poemes y narraciones d’escritores contemporáneos. La nueva publicación tien formatu de llibru electrónicu, y va tar accesible al traviés de la web www.jgpa.es pa tol públicu interesáu. La xornada institucional entamrá a les 10.45 hores, cola visita de cincuenta alumnos que cursen l’asignatura de llingua asturiana nel Institutu Santa Cristina de L.lenapoles distintes dependencies de la Xunta Xeneral del Principáu. Darréu de la visita, alrodiu les 11.55 hores, los estudiantes van ocupar los escaños del Hemiciclu pa asitir a un actu nel que van participar diputaos de los cinco grupos políticos con representanción parlamentaria, asina como’l Presidente de la Xunta Xeneral, Pedro Sanjurjo y la Directora Xeneral de política llingüística, Ana Fueyo Llaneza. Nel actu, l’alumnu de mayor edá y el más mozu van conformar la presidencia del actu conmemorativu de la celebración de la Selmana de Les Lletres que consiste na llectura, por diputaos y estudiantes, de testos lliterarios escoyíos por ellos mesmos. 6 de mayu, 2014 0 FacebookTwitterPinterestEmail
Política Ángela Vallina pide un plan específicu d’emplegu xuvenil pa evitar la sangría de la emigración de la mocedá asturiana by asturnet 5 de mayu, 2014 La candidata asturiana d’IX nes llistes al Parlamentu Européu, Ángela Vallina, reclamó güei un plan européu d’emplegu xuvenil, una iniciativa que tien de parar la sangría que, dende l’empiezu de la crisis, supunxo la salida de más de 30.000 mozos y moces d’Asturies. “Les polítiques de retayos son un fracasu estrueldosu y ye indispensable un cambéu d’aldu, n’España, en concencia, pero tamién n’Europa. Arrebola escuchar a socialistes y populares echándose la culpa cuando dambos son responsables, pos son ellos quien gobernaron Europa y España, llegando a alcuerdos que son los que precarizaron especialmente a la mocedá. L’emplegu xuvenil foi n’España una de les asignatures pindies, inclusive antes de la crisis, yá qu’esistía un paru estructural superior al de la media europea. Agora, la falta d’oportunidaes d’emplegu, xunto colos problemes que traviesen les families y los retayos en beques y aumentu de les tases xeneró’l caldu de cultivu aparente pa una esplosión del desemplegu y l’emigración. “Si equí nun pueden trabayar, porque naide-yos ufiérta un emplegu; nun pueden estudiar y formase, porque los nuevos modelos clasistes del PP torguenlo con menos beques, nun-yos queda otra qu’emigrar. Nun son lleendes urbanes, son, lamentablemente, realidaes, urbanes y rurales”. 5 de mayu, 2014 0 FacebookTwitterPinterestEmail
Política IX va interpelar a la conseyera d’Educación sobre la FP by asturnet 5 de mayu, 2014 El grupu parlamentariu d’IX na Xunta Xeneral va apellar esti xueves a la Conseyera d’Educación y Cultura sobre qué posición va tener Asturies al respective de l’aplicación de la reforma de la Formación Profesional que plantega’l Ministru Wert. Ángel González, el voceru d’IX, esplicó que l’oxetivu de la interpelación ye saber si Asturies va sumase o non a la carrera urxente de desguazar tol sistema como, al so xuiciu, plantega la llei popular, y cuál va ser l’actuación autonómica. 5 de mayu, 2014 0 FacebookTwitterPinterestEmail
Gastronomía Samartín celebra les Lletres tamién con “Tapes y Compres” by asturnet 5 de mayu, 2014 ECOSAM entama del 9 al 11 mayu una aición pa dinamizar el comerciu ya la hostelería del conceyu de Samartín del Rei Aurelio desenvuelta dafechamente en Llingua Asturiana y coincidiendo col Día de les Lletres. Esti evento que algama la segunda edición recibe´l nome de TAPES&COMPRES, y nel mesmo la clientela podrá tastiar tapes a dos euros cuyu importe será devueltu nun billete a descontar en compres en cualquiera de los 35 comercios y servicios de profesionales participantes. La pieza angular d´esta prestosa aición serán los propios comerciantes y profesionales que seldrán quienes asuman estos descuentos frente´l cliente. Del 9 al 11 de mayu dir de tapes per cualquiera de los 25 establecimientos hosteleros participantes será un verdaderu chollu, ya que podrán tastiase sabroses tapes a un importe perreducíu, de dos euros, y amás qu´esi importe seya devueltu en compres a los díes siguientes, del 12 al 24 de mayu. P´alcontrar más información de los establecimientos participantes habrá que acceder al blog de noticies de la web de ECOSAM (www.ecosam.es/blog), o a la páxina de Facebook de l´asociación. D´igual mena, ECOSAM continúa col fechu diferencial que también tienen los dos eventos gastronómicos qu´organiza SAMARTÍN DEL PINCHU (11800 pinchos vendíos) y SAMARTÍN DE LES TORTIELLES (8.019 porciones vendíes), eventos d´esitu que utilizen la llingua llariega como llingua oficial del eventu en cuestión, ayudando d´esta manera a la normalización de la llingua asturiana fuera de los tradicionales ámbitos de la cultura. Pa too ello, ECOSAM cuenta col asesoramientu de la Oficina de Política Llingüística de Samartín del Rei Aurelio. TAPES&COMPRES contará col patrociniu de Caja Rural, y forma parte de les iniciatives del Plan Estratéxicu del Comerciu de Samartín del Rei Aurelio que ECOSAM lleva implantando dende 2008 en collaboración con la Direición Xeneral de Comerciu del Principáu d´Asturies, el Ayuntamientu de SMRA y la Cámara de Comerciu d´Uviéu. Páxina en Facebook del Eventu 5 de mayu, 2014 0 FacebookTwitterPinterestEmail
Música Cancios pa pasalo perbién na Llaboral de Xixión by asturnet 5 de mayu, 2014 Esti sábadu 10 de mayu na Llaboral de Xixón, los neños van poer disfrutar de “Cancios pa pasalo perbién “, un conciertu didácticu entamáu pola cantautora Sara Cangas cola collaboración de la cantante Anabel Santiago. L´oxetivu de l´actividá ye dar a conocer a través de la música, conceptos, idees y estratexes rellacionaes coles diferentes estayes del xéneru musical. Pa esta actividá utilizaranse cancios allegaos a los neños, que seyan dinámicos, participativos y didácticos. Pa facilitar la so eficacia pedagóxica, combina la teatralidá cola interpretación en directo, yá seya de canciones enteres como de cachos. Canten tanto Sara Cangas como Anabel Santiago, unes veces por separao y otres al empar, col acompañamientu de Sara a la guitarra o dAnabel col panderu. Anabel Santiago ye profesora d´Educación Musical y desendolca la so actividá docente na Escuela de Música Tradicional d´Uviéu. Amás, ye una de les figures más representatives de la tonada asturiana. Sara Cangas, cantautora que acaba d’espublizar so primer discu en solitario, ye profesora de música de la Escuela de Música de Gozón. 5 de mayu, 2014 0 FacebookTwitterPinterestEmail
Sociedá La XDLA convoca la manifestación del Día de les Lletres cola toponimia y los medios de comunicación como referentes by asturnet 5 de mayu, 2014 Esti llunes, día 5 de mayu, a les 16 hores presentábase nel Conceyu Abiertu de la Cai La Gascona d’Uviéu la manifestación qu’esti vienres 9 de mayu entama como cada añu la Xunta pola Defensa de la Llingua Asturiana. Una manifestación que nesti 2014 tien por lema «L’asturianu Llingua Oficial». La marcha va salir a les 19:30 de la Estación del Norte dUviéu y finará como davezu delantre del Teatru Campoamor onde nesi momentu entamará la Xunta Estraordinaria de l’Academia de la Llingua Asturiana. Na rueda prensa informose esta tarde sobre esti y otros actos que tien entamaos l’asociación a lo llargo de la selmana, como’l que se fadrá mañana martes pa celebrar los 30 años de presencia de la llingua nel sistema educativu, y valorose la situación actual de la política llingüística. Nesti sen, la manifestación va tener esti vienres, nel comunicáu que se llee davezu al finar la mesma, un alcuerdu pa col “frenu” al procesu de recuperación de la toponimia tradicional que se ta amosando nestos caberos años y al perpequeñu usu del idioma nos medios de comunicación públicos, incumpliendo les lleis. Carlos Pulgar y María Xosé Martíneza adelantraron esta información en nome de la Xunta Pola na rueda prensa de presentación la manifestación, que va tener llugar esti vienres, 9 de mayu, a partir de les 19.30 hores y que saldrá dende la Estación de Renfe n’Uviéu pa finar nel Teatru Campoamor. Amás de desixir que s’igue la toponimia de los 28 conceyos que tovía nun aprobaron la revisión toponímica, la Xunta va criticar l’usu de la llingua asturiana nos medios de comunicación públicos, que “nun pasa d’un 2% o 3% marxinal”, sigún dixo Pulgar. 5 de mayu, 2014 0 FacebookTwitterPinterestEmail
Política IX plantega crear 11 millones d’emplegos amestaos a la industria n’Europa by asturnet 2 de mayu, 2014 Un plan industrial pa la creación de 11 millones n’Europa. Esa ye la propuesta qu’Izquierda Xunida y el Grupu de la Izquierda Europea pretenden articular dende Bruxeles, según anunció güei el númberu 2 d’IX a la Eurocámara, Paloma López. El programa d’impulsu de la economía preve acciones en sectores tradicionales clave,como siderurxa o’l naval, amás d’otros nuevos. El númberu dos d’IX al Parlamentu de Bruxeles aseguró, por poner un exemplu, qu’esisten distintes posibilidaes pa xenerar una nueva estructura granible, incluyendo tamién la construcción. Eso sí, matizó, alloñada del modelu especulativu que xeneró la burbuya inmobiliaria. Nesti sentíu, esplicó que, amestáu a la rehabilitación de viviendes podríen xenerase hasta 500.000 puestos namá n’España. Pa l’hasta agora responsable d’emplegu de CC OO, ye indispensable que la ciudadanía tome consciencia de la importancia de la cita electoral europea, una y bones les reformes llaborales, o les polítiques d’axuste que supunxeron l’amenorgamientu de prestaciones, servicios y perda d’emplegu fueron impuestes dende la Unión Europea, con un Conseyu, dixo, en manos de la derecha. Paloma López axuntó esta mañana cola agrupación Comarcal de CC OO en Xixón, col so secretariu a la cabeza, Roque Galcerán, pa presenta-y la propuesta d’IX en materia d’emplegu n’Europa. L’oxetivu esplicó la candidata, ye llograr puestos calidables qu’acaben cola precariedá y los infraemplegos, que nun garanticen la salida de la probeza. Al pie de Paloma López, la candidata per Asturies, Ángela Vallina, aportunó en que tola acción d’IX articulará sobre los trés exes de la Márcha de la Dignidá: “pan, trabayu y techu”, elementos que namái van ser posibles con un cambéu na correlación de fuerces nel Parlamentu Européu, hasta agora apoderáu por conservadores y socialdemócrates. 2 de mayu, 2014 0 FacebookTwitterPinterestEmail
Plástiques Asturtoons amuesal so trabayu editorial en Samartín by asturnet 2 de mayu, 2014 A partir del próximu llunes 5 de mayu, y cuando tán a puntu de cumplise 10 años dende que la editorial asturiana Asturtoons, especializada en cómic y lliteratura infantil, viera la lluz, una esposición na Casona del Bravial de Blimea entamada con motivu de la XXXV Selmana de les Lletres Asturianes fai un repasu pel so llabor. Na muestra puen vesel casi mediu centenar de publicaciones impreses llevaes a cabu a lo llargo desti tiempu por esta empresa dedicada a la lliteratura infantil . Los sos primeros llibros tuvieron centraos nos personaxes de les tires dhumor gráficu quEnrique Carballeira, creador de la editorial, espublizaba na prensa, y a partir dehí siguieron cola creación de varies coleiciones de lliteratura ilustrada, onde destaca especialmente Llingua de trasgu, que ye la que presenta un mayor númberu de títulos, anque tamién hai otres en marcha como la coleición El xigante que suaña o El gatu pirata, con unos llibros que destaquen pola calidá de les sos ilustraciones, les ediciones cuidaes y les histories entreteníes pa les xeneraciones más moces. Amás del llabor desta editorial na edición impresa, hai que destacar tamién tolos títulos que tien espublizaos en formatu dixital, y los llibros quescribieron pa ella escritores como Miguel Rojo, Xavier Frías Conde, Helena Trexu o Jorge Fernández, ente otros munchos. Esta esposición va tar abierta al públicu na Casona del Bravial de Blimea de llunes a vienres de 9 a 13 h. hastal próximu 23 de mayu. El próximu martes 6 y el miércoles 7 de mayu dos grupos descolinos,-es del conceyu van visitar la muestra de la mano del responsable de la editorial Asturtoons, el periodista, dibuxante y escritor Enrique Carballeira. 2 de mayu, 2014 0 FacebookTwitterPinterestEmail