Lliteratura La XDLA pide al Gobiernu astur visibilidá pal llibru n’asturianu by asturnet 2 de mayu, 2014 El Gobiernu dAsturies ta preparando una Llei de Biblioteques dende va tiempu pa ser a algamar una normativa que fomente la llectura y perdifina’l sistema bibliotecariu d’Asturies. Y según vieno acabante d’espublizar nuna nota de prensa la Xunta pola Defensa de la Llingua Asturiana (XDLA) “ye de reseñar que lañu pasáu más de tres millones dusuarios pasaron per estos equipamientos culturales. Por eso, la Xunta pola esixe a lAlministración pública “que tenga en cuenta que n’Asturies existe una realidá llingüística propia con una lliteratura importante, polo que la Llei de Biblioteques nueva tien que ser fundamental pa visibilizala”. Pa la XDLA nun cai embaxo que la Conseyería de Cultura “informó desta llei nueva aprovechando les celebraciones del Día del Llibru, que volvieron dexar de llau al nuestru idioma y les sos lletres. Otra manera, nesi día, la conseyera Ana González fixo un llamáu pa que la sociedá lleera”. La XDLA espera que yá que ta a la vuelta de la esquina la celebración de la Selmana de les Lletres Asturianes, Gonzalez tamién faiga un llamáu asemeyáu y pida a la sociedá que fale y llea nasturianu. Na rueda de prensa de presentación de la Selmana, diz la XDLA, “ella polo menos nun faló n’asturianu, colo que ta dando un exemplu nefastu pa la normalización del idioma. Mesmamente, prestaríanos ver a la conseyera de Cultura en tolos actos lliterarios de la Selmana y mercando llibros n’asturianu el día 9 de mayu, Día del Llibru Asturianu. De xuru que sería un xestu simbólicu quayudaría a promocionar la llectura na nuestra llingua”. Per otru llau, nun se pue escaecer el texíu empresarial y el númberu deditoriales que nacieron gracies a la lliteratura nasturianu. Pa la XDLA “yel momentu de que los xestores públicos aconceyen colos responsables destes empreses pa escuchar les sos necesidaes y pruyimientos. La mesma viceconseyera del Gobiernu español, Soraya Sáenz de Santamaria, viaxó de Madrid a Barcelona pa reunise col sector editorial en catalán esti 23 dabril. Mentanto, el nuestru Executivu actuó como sil mercáu del llibru nasturianu y los puestos de trabayu que xenera- nun existieren”. 2 de mayu, 2014 0 FacebookTwitterPinterestEmail
Lliteratura L’Aula de las metáforas de Gráu celebra’l Día les Lletres by asturnet 2 de mayu, 2014 esti llunes 5 de mayu, dientru de los actos de la Selmana de les Lletres va celebrase, a les 19.30 hores na Capiella de los Dolores de Grau, un recital embaxol títulu La poesía asturiana nueva, que va cuntar cola participación de los poetes Sofía Castañón, Vanessa Gutiérrez y Pablo Texón y lactuación musical de Marisa Valle Roso. Nel actu, fadrase entrega de los diplomes dell Premiu de Poesía Selmana de les lletres, p’alumnáu de Primaria y Secundaria del conceyu de Grau, en collaboración cola Fundación Aula de les Metáfores. 2 de mayu, 2014 0 FacebookTwitterPinterestEmail
Cine “Carmina y amén” enllena los cines de baldre by asturnet 2 de mayu, 2014 Más de 50.000 espectadores asistieron esti pasáu martes al preestrenu de baldre de ‘Carmina y amén’, la secuela de ‘Carmina o revienta’, dirixida por Paco León, que yá llegó a la cartelera nos cines de tol país con una novedosa propuesta como ya ficiera Paco León cola so primer entrega. La novedosa iniciativa de Paco León, exhibidores, productores y distribuidora, d’ufrir de baldre’l preestrenu de la cinta, enllenó les 128 sales participantes y axuntó a más espectadores que tol restu de la cartelera xunta. Dende primeres horeshubo abondes coles de públicu a la entrada de los cines de ciudaes como Madrid, Valencia, Sevilla, San Sebastián, Málaga, Barcelona, Pamplona, Bilbao o Burgos, agotando les localidaes en menos d’una hora. 2 de mayu, 2014 0 FacebookTwitterPinterestEmail
Cine “El rostru impenetrable” proyectarase nes XIX Xornaes de Llingua y Cultura Asturiana de Xixón by asturnet 2 de mayu, 2014 El miércoles viniente, 7 de mayu, fadráse la primera proyección en sala dEl rostru impenetrable. Comenzará a les 19 hores nel salón dactos del Centru Municipal Integráu Atenéu La Calzada de Xixón, dientro del programa de les XIX Xornaes de Llingua y Cultura Asturiana, un eventu entamáu pola Fundación Municipal de Cultura, Educación y Universidá Popular al traviés del Departamentu de Proyectos Culturales y la Oficina de Nomalización Llinguística y los diez colexos públicos del distritu oeste del conceyu. El rostru impenetrable ye un western de 1961 fechu nEstaos Xuníos dAmérica, dirixíu y protagonizáu por Marlon Brando, al que tamién acompangaben los actores Karl Malden, Katy Jurado y Pina Pellicer . En1961 tuvo nomináu al Oscar na categoría de Meyor Fotografía (color) y llogró la Concha dOru a la meyor película nel Festival de Cine de Donostia. Dobláu al asturianu por Gonzali Producciones emitiólu la Radiotelevisión del Principáu dAsturies el 27 davientu de 2013 con una cuota de pantalla del 5,1 por cientu, superior a la media de la canal desi mes, que sasitió nun 4,7 por cientu. Esta emisión, al traviés del hashtag #ElRostruImpenetrable, foi ún de los espacios más comentaos na nueche desi vienres ente los usuarios de Twitter nAsturies, xenerando más dun 80% de comentarios positivos. Illán Gonzali dirixó y produciól versionáu, con un repartu de más de venti dobladores, ente ellos Carlos Novoa, José Antonio Lobato, Ana Blanco Rozada, Ana Díaz Morán, Andrés Presumido, Carlos Alba, Alberto Rodríguez, Silvino Torre, Lluis Antón González, Olga Cuervo, Eladio Sánchez, Verónica Gutiérrez, Marisa López Diz, Ángel Héctor Sánchez, Norberto Sánchez, Carlos González, Begoña Faro, Mario Artidiello, Samuel Gradín, Hugo García, Carlos Rodríguez, Jéssica de la Paz, Xulián García y Fernando de Luxán. L’Academia de la Llingua Asturiana foi responsable del asesoramientu lingüsísticu. El doblaxe dEl Rostru Impenetrable (ONLINE ) yel programa más vistu con muncho de TPA a la carta, teniendo superao la cifra de 52.000 reproducciones . Ye tamién el títulu que más rápido foi algamando esa posición cimera nel siguimientu per internet. 2 de mayu, 2014 0 FacebookTwitterPinterestEmail
Música El Liet 2014 celebraráse esti avientu n’Oldenburg, Alemaña by asturnet 2 de mayu, 2014 La Web del Lient International Festival, el Festival de européu de música de les llingües minoritaries d’Europa va tener llugar el 12 d’Avientu nuna ciudá del norte d’Alemaña, Oldenburg, algamando asina la so décima edición depués de que Córcega nun pudiere organizar el Festival en 2013 y de l’ésitu de la edición de 2012 que se celebró en Xixón. La creación del Liet debese a la minoría de Frisia (Países Baxos). La so primer edición celebrose en 2002, en Ljouwert / Leeuwarden y a partir de 2006 entamóse’l festival en dellos llugares d’Europa, patrocináu pol Conseyu d’Europa. Liet International ye un concursu de canciones en llingues minoritaries que ñació nel añu 2002 en Frisia (Países Baxos). Depués de les ediciones celebraes en Frisia, na zona del territoriu sami asentada en Suecia, Bretaña y Friul, Asturies foi llar del Liet International nesti añu 2012, y Xixón la primer ciudá de la Península Ibérica que lu acoyó. Por ser ún de los eventos más importantes pa la promoción de les llingües europees minoritaries y la música interpretada nun idioma rexonal, fue reconocíu pol Conseyu d’Europa, que lu patrocina dende 2008. 2 de mayu, 2014 0 FacebookTwitterPinterestEmail
Educación SUATEA critica la hipocresía de la Conseyería dEducación by asturnet 2 de mayu, 2014 Lanuncia de la Conseyería d’Educación de que va solicitar al Ministeriu dEducación la especialidá docente de Llingua Asturiana contrasta col so maltratu permanente a la materia na opinión de SUATEA qu’esta selmana asoleyaba un duru comunicáu criticando l’anuncia: “Tando acabante danunciar que ta iguando la documentación pa solicita-y al Ministeriu dEducación y Cultura el reconocimientu de la especialidá docente de Llingua Asturiana, pervieya reivindicación dende va trenta años, tantos como hai de presencia del asturianu na enseñanza, la Conseyería y el gobiernu asturianu pretenden agora mangase la medalla de grandes defensores de la llingua del país, cuando la rialidá ye que la política de lactual Conseyería dEducación ye la del maltratu permanente a la materia, a quien la imparte y a quien la recibe”. Pal SUATEA ye abondo “llarga la llucha que los docentes dasturianu y gallego-asturiano lleven faciendo palgamar un reconocimientu asemeyáu al del restu del colectivu docente, polo demás bien maltratáu por esti gobiernu. Xeneralización de les medies xornaes, horarios antipedagóxicos, males artes pa desincentivar la matriculación de los estudiantes, desamparu permanente… Bona parte desta situación achacábase y achácase a lausencia duna especialidá docente tanto en Primaria como en Secundaria que dignificara la materia y estabilizaral so profesoráu al traviés dun procesu de concursu-oposición, yá quel 95% del mesmu ye personal interín”. La rialidá ye que, na opibión de SUATEA “siendo la especialidá imprescindible pavanzar na dignificación, la Conseyería dEducación pudo y puede facer muncho más pola escolarización de la llingua asturiana. De fechu, abulta paradóxico, por nun dicir hipócrita, que pretendan agora dir de defensores del idioma cuando hubo que llevalos a los tribunales pa facelos cumplir la Llei dUsu de 1998”. Ente lo que considera autobombu SUATEA, “ente tanta recatafila de coses presuntamente feches como actu de propaganda de cara a la Selmana de les Lletres desti añu, la Conseyería escaeció cómol so gobiernu ta afogando económicamente a la institución cimera de les lletres asturianes, lAcademia de la Llingua, cola falsa sida de la crisis”. Dende SUATEA dicen ser conscientes de que la igua rial al problema de la llingua asturiana y del gallego-asturiano, tanto dientro como fuera de la educación, pasa inevitablemente pela so oficialidá, que, de pasu, “serviría pa cumplir el mandáu de la Constitución de 1978, o de la Carta Europea de les Llingües Minorizaes de la quel Reinu dEspaña ye firmante. Mentanto, la dignificación de la llingua ha facese dando milenta pasos, de los que la especialidá ye unu dellos. Esti y tolos demás siguen siendo obligación de la Conseyería”. 2 de mayu, 2014 0 FacebookTwitterPinterestEmail
Sociedá Roncones y tambores combativos pala mani de la Oficialidá by asturnet 2 de mayu, 2014 Esti 9 de Mayu celebraráse como cada Día de les Lletres n’Uviéu una manifestación pola Oficialidá sofitada por una montonera de coleutivos políticos y sociales que fina delantre’l Campoamor enantes d’entamar l’actu cimeru del Día de les Lletres cola Xunta Estraordinaria de la Academia de la LLingua Asturiana. Y esti añu, pa facer compaña al movimientu de reivindicación llingüística nes cais de la capital dende les 19:30 hores na Estación del Norte d’Uviéu, col envís de reivindicar la oficialidá de la llingua asturiana dellos músicos de nueso tan faciendo una convocatoria especial que quier reeditar la concentración “Roncones vs Borbones”. Pa esta manifestación, entamada como tolos años pola Xunta Pola Defensa de la Llingua, faise un llamáu a “rinchar pola nuesa llingua”. La convocatoria quier repetir el modelu de “Roncones vs Borbones”, la concentración escontra los Premios Príncipe, y nesti casu llamen a formar un pelotón de tambores y gaites combatives como parte de la protesta y reivindicación pol caltenimientu y puxu de la llingua del país. 2 de mayu, 2014 0 FacebookTwitterPinterestEmail
Lliteratura Suburbia edita “Contra’l Silenciu”, una esbilla de Berto García de tola poesía espublizada en llingua asturiana dende’l Surdimientu by asturnet 1 de mayu, 2014 Suburbia Ediciones asoleya Contra’l Silenciu, el númberu 13 de la so colección de poesía Males Tierres. Con esta obra, cuya esbilla y compilación débense al tamién poeta Berto García amuésase un completu panorama de tola poesía espublizada en llingua asturiana dende los tiempos del Surdimientu fasta anguaño. Nella apaecen tolos poetas en llingua asturiana xunto cola mención a toles sos obres espublizaes. De cada ún d’ellos Berto García seleccionó un poema y en pallabres del compilador:”Esti llibru ye una cenciella pero, al empar, completa esbilla de poesía del Surdimientu, cola quafitar que lasturianu tien una puerta abierta al futuru. Esta compilación quier ser una referencia, un puntu darrinque pa quien savere a la poesía en Llingua Asturiana; un escaparate onde poder ver lo meyor de la creación na poesía llariega y quafale lenclín por siguir conociendo y andandol camín de la poesía contemporánea nasturianu. Frutu dun llargu procesu dafondamientu tienes, agora nes tos manes llector, una amuesa desta estaya de la lliteratura, na nuesa llingua, nos últimos trenta años.” 1 de mayu, 2014 0 FacebookTwitterPinterestEmail
Sociedá Entama n’Á Caridá la Selmana de les Lletres by asturnet 1 de mayu, 2014 Esti vienres 2 de mayu a les 19 hores nel Auditorio da Casa das Quintas dÁ Caridá entamen los actos de la Selmana de les Lletres con un Homenaxe ás nosas /letras y una l.lectura pública institucional de textos Iliterarios en gallego-asturiano, al mesmu tiempu que se presental quintu númberu de Trabatel, la revista eonaviega de l.literatura quespubliza la Conseyería. Lactu dentamu desta XXXV Selmana de les Lletres va cuntar tamién cola Aatuación del grupo Mestura. La Selmana incluye estrenos musicales en Xixón, Teatru pa neños, recitales de poesía en Grau, La Feria del Llibru y el Discu n’Avilés y delles otres actividaes per tola xeografía asturiana. 1 de mayu, 2014 0 FacebookTwitterPinterestEmail
Lliteratura Trabe presenta los “Cuadernos d’Itaca” colos qu’Alfonso Zapico algamara’l V Premiu «Alfonso Iglesias» de Cómic by asturnet 30 d'abril, 2014 Trabe ya tien espardíu peles llibreríes el cómic col qu’Alfonso Zapico algamara’l V Premiu «Alfonso Iglesias» de Cómic y qu’amuesa bien a les clares la calidá d’esti dibuxante y narrrador gráficu que ta poniendo al cómic asturianu y español a un altor del que había tiempu nun se facía alcordanza. Alfonso Zapico (Blimea, 1981) estudió Artes Plástiques y Diseñu na Escuela dArte dUviéu, y trabaya como profesional gráficu dende lañu 2006. Tien fecho ilustraciones, diseños, animaciones y campañes pa delles axencies de publicidá, editoriales y instituciones. Amás ye ilustrador de prensa en diarios asturianos (La Nueva España, Cuenca del Nalón…). Nasturianu publicó una tira cómica, Les pites de Grau, nel selmanariu Les Noticies. Nel añu 2012, Alfonso Zapico ganól Premiu Nacional de Cómic, quotorgal Ministeriu de Cultura, pola so obra Dublinés. Amás, ye ganador del Prix BD Romanesque Ville de Moulins (2007) y de los premios Haxtur (2008) y Josep Toutain (2010). Amás de collaborar en delles obres colectives, tien editaos cinco títulos: La guerre du professeur Bertenev (2006), Café Budapest (2008), Dublinés (2011), La ruta Joyce (2011) y El otro mar (2013). Con Cuadernos dÍtaca ganól V Premiu de Cómic «Alfonso Iglesias» del añu 2013. El Centru Niemeyer acoyó nel añu 2013 la esposición Pasos alcontraos. Un viaxe dibuxáu dAlfonso Zapico, onde samosó información sobre lautor blimeín, planches orixinales de Dublinés y La ruta Joyce y sesiones de dibuxu en vivo nes muries de la sala. Alfonso Zapico vive dendel 2008 nAngulema (Francia), na Maison des Auteurs, onde trabaya nel so últimu proyectu, La balada del norte, novela gráfica en dos tomos ambientada na revolución asturiana dochobre de 1934 y quel primer volume va ver la lluz nel 2014. 30 d'abril, 2014 0 FacebookTwitterPinterestEmail