‘Auniendo Esfuerzos’ inaugura la esposición del Concursu de fotografíes pola tolerancia

El proyectu de cohesión social, Auniendo Esfuerzos, inaugura la esposición “Concursu de fotografíes pola tolerancia” nel Centru Comercial del Atriu n’Avilés. Tratase d’un concursu, enmarcáu na celebración del Día internacional para la Tolerancia”, impulsáu por Naciones Xuníes y que podrá visitase dende güei, 16 de payares.

Dende va años, les entidaes del Proyectu “Auniendo Esfuerzos” realicen actividaes de bien diversa índole pa fomentar la cultura de la Tolerancia y con esti concursu pretenden concenciar sobro’l respetu a les creencies, cultures y opiniones de los demás. La esposición inauguróse esta selmana cola participación del conceyal de Participación Ciudadana y Cooperación internacional, Jorge Luis Suárez Alonso.

Presentáronse un total de 24 fotografíes y, dempués d’una selección del xuráu, amuésense 10 d’elles. La imaxe ganadora titular Nel mundu hai sitiu pa toos” de Sidra’l Moussaqui, el segundu puestu ye pa Rocío Martínez cola fotografía titulada “Vivamos la tolerancia” y la tercer posición ye p’Ana Berlanga con Palabres cruciaes”

‘Auniendo Esfuerzos’ empecipió la so andadura nel añu 2009 por impulsu de l’anterior asociación vecinal, retomáu agora pola actual Asociación de Vecino La Madalena – Polígonu – Grandiella. Nesti proyectu participen tamién l’asociación de Discapacitaos Físicos d’Avilés y Contorna (DIFAC) y Rei Pelayo, col sofitu del Centru de Día Colories de Cáritas y la Fundación Cruz de los Ánxeles, toes elles presentes nel barriu, queriendo dar respuesta a una realidá vecinal qu’apenes compartía los espacios nin se rellacionaba ente sí.

Na actualidá sumóse l’Asociación sociocultural Comver y cunten tamién cola participación de los centros educativos del barriu y la redolada.