Artistes asturianos compiten na Bienal Internacional de Cartelismu Terras Gauda

Artistes gráficos d’Asturies participen na esposición con 1.310 cartelos de 59 países de los cinco continentes que concursen na Bienal Internacional de Cartelismo Terras Gauda – Concurso Francisco Mantecón.

Los cartelos reflexen una gran diversidá gráfica y de conteníu. Un percorríu polos enclinos del Arte y el Diseñu internacional axuntaes na esposición, que va permanecer abierta al públicu hasta’l miércoles 25 de noviembre, tolos díes de la selmana, n’horariu de 11 a 14 hores y de 18 a 21 hores, na Estación Marítima de Vigo. El fallu del xuráu, que yá s’axuntó, va dase a conocer el próximu vienres, 27 de payares, mientres l’actu d’entrega de premios, nel que se van repartir 16.000 euros en metálicu (1º premiu, dos Accésit y una Mención Especial).

Italia ye’l país con más diseñadores participantes (112) dempués d’España (506). D’Europa, Alemaña, Grecia, Polonia, Portugal y Austria tamién tienen una presencia relevante. Xapón, China, Israel, Indonesia, Irán, Vietnam, Taiwán y Tailandia son les naciones d’Asia que cunten con representación.

Dende África recibiéronse propuestes de Suráfrica, Nixeria, República de Mauricio y Uganda. D’América, destaquen los cartelos procedentes d’Estaos Xuníos y Brasil. Tamién participaron diseñadores de Cuba. Finalmente, Australia ye’l país d’Oceanía con presencia. Y por 1ª vegada na hestoria del Francisco Mantecón alleguen diseñadores de Vietnam, Indonesia, Uganda, Letonia y Armenia.

Más de 15.000 cartelos de 93 países de too el mundu unviaron les sos propuestes nestes 12 primeres ediciones, en que’l so palmarés de premiaos figuren artistes gráficos de relevante trayectoria como’l profesor d’Arte y Diseñu de la Universidá de Osaka, Shima Takahiro, el diseñador belga Thomas Pion, el berlinés Sebastian Büsching, Taber Calderón (Nueva York), la española Cristina Vergara Echarri y Barbara Pilarska, de Polonia, ente otros