Anibal Zola trai los cantares d’autor portugueses a Poniente

Aníbal Zola ye un contrabaxista y cantante portugués con educación académica en Jazz que va protagonizar la sesión matinal d’esti vienres de selmana grande en Xixón.

La so música ye influyida pola música popular portuguesa, brasileña y llatinu americana, y la so voz recuérdanos el fado pero tamién la delicadeza de la bossa nova. Tien dos discos llanzaos hasta agora, Baiumbadaiumbé (2018) y Amortempo (2020) y yá tuvo la oportunidá d’actuar en dellos escenarios importantes en Portugal como Casa da Música o Hard Club y participar en festival internacional en Brasil, SIM São Paulo 2020. Nesti conciertu en Xixón va actuar en trio con André Tavares Mariano a la percusión y voz y Pedro João Rosário a la guitarra eléctrica, viola braguesa y cavaquinho portugués.

Aníbal Zola en youtube.

Sablera de Poniente o de Pando
Cuando: 13 d’agostu de 2021 a les 13:30