Una velada nel Campoamor punxo’l broche d’oru a les Estancies Coreográfiques

El Teatru Campoamor acoyó esti domingu, día 24, a les 19 hores, la gala de clausura de la novena edición del proyectu d’investigación coreográfica y creativa “Estancies Coreográfiques”, que dirixe’l coreógrafu Yoshua Cienfuegos y entama la Fundación Municipal de Cultura.

El so presidente, José Luis Costillas, resaltó la importancia que tien esti proyectu, “únicu nel nuesu país, no referente al estudiu de la danza, la coreografía y otres disciplines artístiques, y que’l so trabayu y conclusiones sirven inclusive como base d’estudiu nes universidaes. Qu’Uviéu cree escuela y tea a la vanguardia nestes materies ye bien importante para nós”.

La idea central de les Estancies d’anguaño, y a les que se púnxose fin con esta velada, xiró alrodiu del estudiu del espaciu interior encetáu dende múltiples investigaciones, encetando la visión del mesmu intérprete y la xestión del coreógrafu. Ello ye que cuntóse cola aportación a la investigación de dellos artistes plásticos asturianos, como Luis Ramos www.labuenaidea.com,- Ruth Álvarez, Paula Blanco, Begoña Muñoz, Nuria Esther Antolín, Natalia Munozqui y Lydia Areces. Toos ellos coordinaos por Vicente Villar Banciella

La música d’esti espectáculu ye composición orixinal de los dos músicos que participaron nel alcuentru, y ta compuesta al empar que la coreografía. Amás de los músicos n’escena, na edición 2022, tamién se va cuntar cola interpretación d’una cantante, Marián Pérez, per primer vegada n’Estancies Coreográfiques.