‘Enfadados’ toca esti sábadu na Fnac

Esti sábadu 3 de septiembre, a les ocho y media la tarde, el grupu astur-arxentín ‘Enfadados’ va ofrecer un conciertu na Fnac de Parque Principáu nel que va presentar les sos novedoses composiciones en formatu power-pop.

El grupu ta formáu por Pablo Lato (baxu y composición principal) y Emilio Gutierrez (a los teclaos), que l’añu pasáu decidieron xuntase cola idea de facer una serie de canciones en formatu power-pop, que contaren histories urbanes y personales. Nesti tiempu que lleven tocando xuntos, tienen compuestes unes trenta canciones de cara a la preparación d’un futuru primer discu.

‘Enfadados’ va poco qu’acaba de terminar una minixira per Asturies, que culminó’l pasáu 31 de xunetu en Xixón con una actuación na que tocaron xunto a ‘Super Ratones’.