‘Emepetreses’, el primer discu de Pablo Moro

L’uvieín Pablo Moro saca’l so primer discu’l prósimu 13 de setiembre, coincidiendo coles fiestes de San Mateu. ‘Emepetreses’ ta producíu por David Ferrero y cuenta cola collaboración nún de los temes de Melendi, col que va tocar el día 20 n’Uvieu.

El primer single, que yá tien rodáu’l videoclip promocional, ye ‘Álbumes de fotos’, que va servir como presentación del esperáu trabayu de Moro, conocíu poles sos actuaciones en diferentes locales asturianos y les sos colaboraciones radiofóniques.

El día 20 de setiembre, Pablo Moro va tar actuando nes fiestes de San Mateu como teloneru de Melendi, nes pistes de San Llázaro, que participa nuna de les canciones del discu.

Web oficial de Pablo Moro