‘Xuniendo Cultures': Talleres gratuitos pa sofitar la participación d’inmigrantes

‘Xuniendo Cultures': Talleres gratuitos pa sofitar la participación d’inmigrantes
26 setiembre 10:02 2017 Imprimir

La conceyala d’Atención a les Persones y Cooperación, Marisa Ponga, presentó esti dia al pie de representantes d’Asturies Acueye, FAIMAS (Federación d’Asociaciones d’Integración Multicultural n’Asturies)  y el Círculu de Mediación n’Asturies la programación de talleres “Xuniendo Cultures”.

La Cocina, la pintura o’l baille son dalgunes de les temátiques que van centrar los talleres, que se van impartir dende’l llunes día 25 al 4 d’ochobre y que la concyjala d’Atención a les Persones, Marisa Ponga presentó esti viernes embaxo’l nome de “Xuniendo Cultures”. Son una serie de talleres gratuitos que se van llevar a cabu nos centros sociales del conceyu del 25 de setiembre al 4 d’ochobre. La conceyala tuvo acompañada de representantes d’Asturies Acueye, FAIMAS (Federación d’Asociaciones d’Integración Multicultural n’Asturies) y el Círculu de Mediación n’Asturies.

Ponga dexó claro los oxetivos de “Xuniendo Cultures”. Trátase, na so opinión, “d’ufiertar talleres que nos ayuden a collaborar n’amenorgar prexuicios escontra la población inmigrante; que promuevan la participación social y cultural de los inmigrantes y que faigan posible l’acercamientu de los autóctonos d’Uviéu a cultures tan interesantes… a última hora, de crear un ambiente de participación”. Al respective de les temátiques numberó dalgunes: “cocina, baille, trences y, como novedaes, una esposición de pintura senegalesa y un taller de mediación comuñal”. van impartir nos centros sociales de Campumanes, Pumarín, Tenderina, Olloniego, Naranco, Oteru, Vallobín, El Cristu, Ventanielles y en El Cortixu”. Les asociaciones que collaboraron nesta programación son: “Asturies Acueye, ARPA, ENRITA, ASIA, Círculu de Mediación n’Asturies, FAIMAS y l’Asociación para la salida y esperanza para los senegaleses”.

Uviéu cunta con una población inmigrante de 12.302 persones, lo que supon un 5,59% del total d’habitantes. La edá media asitiar ente los 20 y los 49 años y los países d’orixe con mayor númberu d’inmigrantes son: Rumanía, Paraguay, Marruecos, Ecuador, Brasil, Senegal y Colombia.