Uviéu y L´Abeyera roblen un conveniu pa desenvolver el programa Centro ALFALAR

El Conceyu d’Uviéu y L´Abeyera vienen acabante roblar un conveniu pal desenvolvimientu del programa Centro ALFALAR. L’Asociación cultural L´Abeyera fundada’l 10 de Xunu de 1992 constituyóse como respaldu xurídicu del Centru Alfalar que yá venía realizando acciones educatives dende 1984  n’Uviéu y que en 1989 treslladó la so actividá al barriu de La Corredoria.

El proyectu CENTRO ALFALAR”.- (Programa d’intervención con infancia, adolescencia, mocedá y families en situación de riesgu social)  tien como finalidá favorecer el desenvolvimientu integral de neños y neñes que participen nel Centru, implicar a proxenitores nel procesu d’aprendizaxe de los sos fíos y ufiertar a les families y adolescentes del barriu un espaciu de participación y reflexón que facilite’l desenvolvimientu de les sos habilidaes sociales y favoreza la so integración social. Toles programaciones tienen en cuenta’l xuegu como ferramienta educativo.

L’aportación municipal para’l desenvolvimientu d’esti proyectu mientres 2020 xube a 30.053,91€ y el programa de la entidá estructurarase en 3 árees fundamentales al traviés de les cualos trabayar con distintos grupos de población en situación de vulnerabilidá del barriu de La Corredoria:

• Área de familia ya infancia: esta área s’estructura en trés grupos d’edá y trabayu con families. Ta empobinada al sofitu escolar, l’ociu y tiempu llibre, la sociabilidá, el desenvolvimientu como persones, la ciudadanía, la salú y les relaciones familiares, ente otros.Área d’incorporación social y llaboral: na que s’atiende a persones en situación de vulnerabilidá
• dotándoles d’habilidaes personales, d’educación y de formación-emplego al traviés tanto de planes individuales como d’actuaciones grupales y comuñales.
• Área de voluntariáu: na que se realicen llabores d’información, orientación, captación, formación y organización del voluntariáu según actividaes de sensibilización ya incidencia.

De la memoria apurrida pola entidá destácase’l volume de persones atendíes (373), la continuidá de les actuaciones y la capacidá de xenerar conciencies crítiques, asina como’l so métodu participativu de planificación, la coordinación con otres entidaes y el caltenimientu d’un enfoque de xéneru tresversal a tolos proyectos.

De resultes de la pandemia del  COVID.19, la entidá realizó una serie de cambeos  nel so proyectu pa faer frente a l’atención de los sos usuarios mientres el tiempu que se caltuvo l’estáu d’alarma, a saber: atención telefónica y acompañamientu siguíu a les families, detección y abordaxe de conflictos familiares, información sobro actuaciones y recursos puestos en marcha poles alministraciones públiques, sofitu nes tramitaciones (desempléu, ayudes sociales…), ellaboración de guíes y materiales didácticos pa llograr la continuidá del cursu escolar de les y los menores qu’atienden, siguimientu de les muyeres víctimes de violencia de xéneru, videollamadas diaries ya individualizaes de sofitu escolar, llamaes individuales pa sofitu en preparación de la prueba d’accesu llibre al títulu nESO pa persones adultes, serviciu d’orientación llaboral telemáticu.