Educación Uviéu confirma’l retayu de beques, pero diz que «van llegar a los que les precisen» by redacción asturnews 23 de xineru, 2020 written by redacción asturnews 23 de xineru, 2020 34 Dempués de díes de silenciu, l’equipu de gobiernu d’Uviñeu confirmó esti día que les ayudes municipales destinaes a beques escolares -de comedor, almuerzu o llibros- pal próximu cursu van amenorgase casi un 30%. De los 3,44 millones de la convocatoria aprobada por para esti cursu, va pasar a tan solo 2,45 millones d’euros. La conceyala delegada d’Educación, Yolanda Vidal, almitió’l retayu, pero quixo destacar que los 3,75 millones presupuestaos p’anguaño, que cubren los meses finales d’esti cursu coles ayudes concedíes l’anterior mandatu y los trés primeros del siguiente que va arrincar en septiembre, «siguen siendo un apueste grande» y más si comparar con otros conceyos cercanos». Vidal defendió, amás, que la conceyalía d’Educación «ye muncho más que les beques» y qu’anguaño se fadrá «una inversión importante» nos colexos, con obres «que llevaben enforma tiempu nun caxón», poles previstes meyora na cubierta del colexu La Xesta y l’ampliación del comedor del colexu de Venrtanielles. Dos actuaciones que suman un presupuestu de 539.000 euros. Destacó tamién «l’esfuerzu» pa regularizar al personal de les escueles infantiles dempués de munchos años encandenando contratos temporales ya irregulares y que fueron despidíes pel branu y fueron ganando la so reconocencia como personal municipal nos xulgaos. La responsable d’Educación sostuvo que desconoz cuántes de les families que perciben esti cursu ayudes municipales pa sufragar el serviciu de comedor, el d’almuerzos o llibros de testu van perder les beques, pero aportunó en que «los técnicos dícennos que van llegar a les families que les precisen». Defendió de la mesma, que la supresión del tramu d’ayuda del 90%, del qu’esti cursu ardíciense 1.223 alumnos, «va facilitar la tramitación, porque hai poca diferencia cola beca completa». En realidá, l’amenorgamientu del presupuestu y el so impactu sobro les families, si nun se corrixe, va ser abondo mayor. A la convocatoria pa esti cursu, fuéronse-y suplementando recursos pa garantizar que tolos neños que cumplíen les bases teníen accesu a les beques. De los 3,4 millones iniciales, pasase a casi 4,3 millones, d’ende que Somos denunciara un retayu de dos millones d’euros, del 40%. 0 FacebookTwitterPinterestEmail Anterior Uviéu vende en FITUR el Camín de Santiago, la gastronomía, congresos y la capitalidá siguiente Tamara Norniella amuesa na Factoría Cultural so arte na esposición “Opera Omnia” Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...