Queden 117 places pa la reedición de cursos de la Universidá Popular de Xixón

La Universidá Popular de Xixón vuelve cola REEDICIÓN d’aquellos cursos que la pasada ufierta de febreru non pudieron desenvolvese o non pudieron rematase debíu al confinamientu, con  espacios afechos a les nueves condiciones impuestes pola COVID-19 y con más d’un cientu de places llibres.

La matrícula, podrá realizase dende’l 29 de setiembre hasta’l día 2 d’ochobre, al traviés  de: caxeros ciudadanos, aplicación igijon o al traviés de la web gijon.es. Nesta ocasión nun habrá matricula presencial.

Una vegada rematáu’l procesu de reserva per parte de les persones matriculaes en febreru que quixeron siguir el so cursu, ufiértense les 117 places llibres, en cursos de teatru, danza, encuadernación, fotografía, psicoloxía, dibuxu, cocina, patrimoniu y museos, arte, Internet, astronomía, creación lliteraria….Un númberu de places que se vio amenorgáu tantu pol altu nivel de reserves, que superaron les novecientes, como pol cumplimientu de toles normes sanitaries.

La cultura ye segura y asina van ser los espacios onde se van desenvolver los cursos de la UP. coles máximes garantíes : aforos llindaos, aules  con ventilación, descansos ente clases, desinfección de puestos, etc.  La ufierta caltien más del 90% de les hores formatives que vienen siendo habituales: un total de 5.324 hores partíes en 120 cursos.

Fai clic nesti enllaz p’aportar a tolo rellacionao cola reedición de cursos de la UP