Educación Mercedes González y Ana Taboada visiten el Veneranda Pumar nel programa d’apertura de colexos pel branu by redacción asturnews 30 d'agostu, 2018 written by redacción asturnews 30 d'agostu, 2018 114 Mercedes González y Ana Taboada visitaron esti día’l colexu Veneranda Pumar nel programa d’apertura de colexos pel branu del que casi 8.000 neños beneficiáronse de les actividaes, que se llevaren a cabu en siete centros escolares del conceyu. La conceyala uvieína d’Educación, Mercedes González, y la vicealcaldesa, Ana Taboada, visitaron esta selmana’l programa d’apertura de centros escolares en periodos non llectivos, que remata esta selmana habiendo acoyíu a casi 8.000 neños a lo llargo del branu, lo que supon un récord históricu, superando en más de 500 les inscripciones del pasáu añu. D’esti programa, que tamién se celebra nes vacaciones de Navidá y Selmana Santa, pueden beneficiase neños d’edaes entendíes ente los 3 y los 12 años de too el conceyu, según menores de la mesma edá que pasen na ciudá’l periodu de vacaciones branices. Amás el proyectu cunta con un serviciu d’almuerzu y comedor pa facilitar la conciliación de la vida llaboral y personal de los padres y madres y pa cubrir les necesidaes d’alimentación de neños y neñes que les sos families tengan dificultaes económiques. Los siete centros que participaron nesta convocatoria del programa son Baudilio Pládanu, La Ería, Lorenzo Novo Mier, Parque Infantil, Poeta Ángel González, Veneranda Pumar y Ventanielles; Sicasí, por cuenta de la gran demanda per parte de los vecinos y vecines d’Uviéu, estúdiase l’apertura de más centros en periodos branizos pal añu que vien. Mercedes González calificó de “bien positivu” el balance del programa d’esti branu. La conceyala aseguró qu’esti serviciu ye “esencial” pa la conciliación familiar yá que son munches les families que precisen sofitu y los centros educativos ufierten toles garantíes pa los menores “tean bien atendíos, amás de pasalo bien, tantu que quieren volver día tres día“. 0 FacebookTwitterPinterestEmail Anterior Grau organiza una ruta etnográfica per Salcéu pa Setiembre siguiente Uviéu y la plataforma Imaxina un Bulevar presenten el proyectu pa la entrada pola A-66 Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...