Más de trés años de letargu pa Twitter

A pesar de la importancia de Twitter como plataforma d’intercambiu d’opiniones en munchos países del mundu, puede dicise qu’el so algame en númberu d’usuarios ye relativamente modestu anguaño, hasta’l puntu de que lleva más de tres años aparáu.

La empresa Twitter publicó la selmana pasada les sos cuentes del segundu trimestre de 2018, nes que declaró 335 millones d’usuarios mensuales activos en tol mundu, cifra inclusive llixeramente inferior a la correspondiente al periodu de xineru a marzu. Como contraste, Instagram, tal que amosemos recién, algamó esti xunu los mil millones y Facebook supera los 2.200 millones.

Con too, posiblemente lo más grave de la situación sía l’estancamientu de la rede social, qu’en trés años y seis meses (dende principios de 2015) solo sumó daqué más de 30 millones d’usuarios mensuales.