Los socialistes asturianos apoyen la traducción simultanea nel Senáu

La senadora socialista por Asturies, Carmen Sanjurjo diz ser “una entusiasta de les llingües cooficiales; el pinganiellu namás lu uso col vascu”, afirma y “préstame sentilos falando en gallegu, catalán…”. “Si dalgún día l’asturianu ye cooficial tamién s’ufrirá la posibilidá de torna nel Senáu”, comentó a La Nueva España.

El candidatu a Presidente d’Asturies de los socialistes diz tar avezáu a usar el pinganiellu “usélu mil vegaes nel Senáu y nun pasa nada, agora s’amoplía pero non a too”.

Ovidio Sánchez, llider del PP asturianu, nun opina lo mesmo y diz que’l contribuyente “nun lo comprende, hai una llingua na que toos nos entendemos”.

Mientres l’asturianu sigue siendo una llingua marxinada nes instituciones asturianes y estatales.