La sesta edición del Festival de Curtiumetraxes de Xixón entama esti martes

La sesta edición del Festival de Curtiumetraxes de Xixón va celebrase del 15 al 18 de setiembre, con un total de 593 trabayos presentaos y dos nueves secciones que se añedíen a la Sección Oficial y a Mirada FICX: Curtiu Atlánticu (a concursu) que dirixe’l focu a los trabayos realizaos na exa xeográfica del Atlánticu, y Panorama Asturies, en collaboración con Llaboral, onde podrán vese curtiumetraxes asturianos que vienen triando fuerte nel circuitu nacional de festivales.

Los conciertos volverán ser protagonistes nel Centru Municipal Integráu El Llanu con un cartelu compuestu por Rita Ojanguren, Lladrida y De Fem. Les entraes pa la Sección Oficial y Mirada FICX tán yá escoses. Al traviés de la web del festival pueden llograse de manera gratuita para Curtiu Atlánticu y Panorama Asturies.

Amás del CMI El Llanu, el festival estenderase con dos nueves sedes: l’Antigua Escuela de Comerciu y el Paraninfu de La Llaboral,  recuperando tamién el Centru Municipal Integráu Atenéu de La Calzada y calteniendo asina’l compromisu de descentralización na ciudá.

N’ediciones anteriores, proyectaronse los sos curtios Ramón Lluís Bande, Marc Martínez Jordan, Javier Fesser, Marta Bayarri, Olga Osorio o Kepa Sojo. Y en el terrén musical por El Llanu y La Calzada pasaron artistes como Marilia, Marem Ladson y Pauline na Sablera.

El programa de mano con tola programación puede descargase n’en esti enllaz.