ConceyosLliteratura La escritora n’asturianu Matilde de Soignie centra la Selmana de les Lletres n’Avilés by redacción asturnews 4 de mayu, 2022 written by redacción asturnews 4 de mayu, 2022 3,1K Cinco sesiones de bebecuentos musicales cola actriz Ana Morán y el músicu David Varela nes Escueles Infantiles d’Avilés y la recuperación de la figura y obra de la escritora avilesina Matilde de Soignie – cola presentación d’un vidiu que se va xubir a les redes sociales complementada cola organización d’una mesa redonda-, marquen les actividaes centrales n’Avilés de la XLIII Selmana de Les Lletres Asturianes que se desarrolla hasta’l 6 de mayu. Sedrá’l vienres 6 de mayu, celebración del Día de les Lletres Asturianes, cuando s’estrene’l documental audiovisual sobre Matilde de Soignie que va poder vese peles redes sociales del Conceyu d’Avilés, na web de la Estaya de la Llingua y na plataforma Playpresta. Matilde de Soignie ye la segunda escritora en llingua asturiana que se conoz (la primera foi Enriqueta González Rubín) y qu’hacia 1890, en vida, llegó a mandar a imprenta n’Avilés un llibru suyu escritu n’asturianu entituláu “Ecos de mi Aldea”. Esta escritora avilesina, amás de ser un testimoniu mui importante pa les lletres asturianes colos sos versos, dio muestres clares nos sos escritos a lo llargo de tola vida de la so conciencia feminista y del so pensamientu avanzáu, daqué poco corriente nes muyeres de la so época y de la burguesía avilesina. Pa siguir afondando na so figura, el miércoles 11 de mayu va ponese’l documental nel Palaciu de Valdecarzana (19:30 hores) pa dempués siguir con una mesa redonda na que van participar Mercedes de Soignie, investigadora y bisnieta sobrina de Matilde; Jose Ramón Iglesias Cueva, secretariu y miembru de l’Academia de la Llingua y estudiosu de la vida y obra de la escritora avilesina, y Inaciu Galán, flamante académicu de Llingua Asturiana y direutor del documental. Más información 0 FacebookTwitterPinterestEmail Anterior El hard rock de The Electric Alley desembarca na Factoría Sound siguiente La Xunta pola llama a manifestase esti sábadu pola Oficialidá Tamién te podria gustar Iniciativa pol Asturianu y Barbón desixen a Adif... Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...