La crisis enerxética protagoniza les VII Xornaes de Divulgación Científica

La crisis enerxética protagoniza esti martes 7 de xunu  les VII Xornaes de Divulgación Científica abordando les causes y efectos de la crisis enerxética, tantu dende un puntu de vista xeopolíticu como socioeconómicu.

Conferencies

“Dos tales enerxétiques d’autonomía estratéxica europea tres la invasión rusa d’Ucrania”
Gonzalo Escribán. Real Institutu Elcano / UNED

La invasión rusa d’Ucrania amuesa les consecuencies de trés costosos erros estratéxicos europeos: la sobro-dependencia de Rusia y el conformismu alemán col so expansionismo, la falta d’una integración enerxética europea capaz de dotar de flexibilidá y mecanismos de solidaridá a los sos miembros, y un esplegue insuficientemente rápidu d’anovables y de les tecnoloxíes acomuñaes. Nesos trés frentes xuégase la Unión Europea recuperar el retrasu acumuláu desque, el 1 de xineru de 2006, Rusia cortó per primer vegada’l gas a Ucrania.

“Impactu socioeconómico de la crisis enerxética”
Jaime Menéndez Sánchez. Orkestra – Institutu Vascu de Competitividá

El Pactu Verde Européu sentó les bases pa una estratexa de desenvolvimientu económicu y competitividá alliniada col cumplimientu de los oxetivos de descarbonización del Alcuerdu de París y xuna sociedá sostenible. La crisis enerxética de los últimos meses, xestada cola pandemia de covid-19 y agravada colos recién acontecimientos geopolíticos (particularmente la guerra n’Ucrania), provocó un ampliu impactu socioeconómico. Esta nueva situación plantega barreres y desafíos pa la transición enerxética y la mitigación del cambéu climáticu, anque tamién pueden identificase oportunidaes anovaes pa esti retu global.

Centru de Cultura Antiguu Institutu
7 de xunu de 2022 a les 19