Instagram gána-y la batalla a Snapchat

Instagram gána-y la batalla a Snapchat
22 agostu 13:30 2018 Imprimir

La selmana pasada la empresa dueña de Snapchat fixo públicu que, per primer vegada na so hestoria, nel segundu trimestre d’anguaño había perdíu usuarios. D’esta miente, d’abril a xunu la rede social pasara de cuntar con 191 millones d’usuarios activos diarios en tol mundu, a solu 188 millones.

L’estancamientu de la plataforma de Evan Spiegel oldea coles resultancies positives de Instagram nos últimos meses. Por casu, en xunu d’anguaño, esta postrera algamó los mil millones d’usuarios activos mensuales, tal que recoyimos nun gráficu anterior, y la so función de Stories (competidora directa de Snapchat yá que ufierta vídeos efímeros), los 400 millones d’usuarios activos diarios.

  Categories: