Green Technology presenta’l llibru “RRetos HHumanos. Tiempos de pandemia”

Green Technology presenta’l llibru “RRetos HHumanos. Tiempos de pandemia”
03 febreru 09:12 2022 Imprimir

Esti  próximu vienres 4 de febreru, a les 18.30, va tener llugar nel salón d’actos de l’antigua Escuela de Comerciu de Xixón la presentación del llibru RRetos HHumanos. Tiempos de pandemia.

¿Cuálos fueron les consecuencies d’una pandemia que nos alloñó a los unos de los otros? Los trabayadores de Green Technology y la so directora de Recursos Humanos tuvieron les sos propies vivencies, coles sos lluces y les sos solombres. Dacuando ensin que les solombres dexen espaciu a la lluz. RRetos HHumanos recueye dolce histories de personaxes bien distintos, basaes en situaciones casi reales, que faen que cualesquier d’ellos pueda ser el to compañeru, el to vecín… o tu mesmu.

Al traviés de les esperiencies de los nuesos protagonistes caminamos por escenarios dacuando desoladores compartiendo los sos sentimientos más sinceros para llegar a entender cómo’l camín personal y el profesional a la fin suelen xunise n’unu solu. Nesti llibru, el terceru d’esta saga temática, volvemos constatar que la esencia de les empreses formar les persones y los sos sentimientos y emociones.

Tantu si lleísti los dos apurres anteriores como si ye la primer vegada que te enfuses nel universu de Green Technology, esti testu únicu creáu por once directores de Recursos Humanos y el so coordinador lliterariu te va faer cavilgar sobremanera lo que vivimos en tiempos de pandemia y cómo estos estraordinarios acontecimientos marcáronnos para siempres. ¿Qué llección llevamos d’esta dómina, tantu les persones como les empreses?

  Categories: