Preséntase’l llibru “Estampes d’Asturies” de Manuel Maurín Álvarez

Esti xueves, 13 d’abril, a les 19 hores ta previsto que se prenste nel  Salón d’actos de la Casa de Cultura Teodoro Cuesta de Mieres el llibru “Estampes d’Asturies” de Manuel Maurín Álvarez.

Les Estampes d’Asturies son una serie de relatos curtios con significáu singular y autónomu, pero que la so llectura conxunta dexa tamién reparar como un tol territoriu asturianu nel tránsitu dende la sociedá rural tradicional escontra la modernidá urbanu-industrial, coles paradoxes, tensiones y contradicciones qu’ello trai en tolos ordes.

Les referencies al contestu paisaxísticu, omnipresente nos relatos, sirven tantu para realzar la estraordinaria diversidá del mosaicu natural y cultural asturianu como para espresar, en determinaos casos, el distintu grau en que cada llugar viose afectáu pola fola de la revolución industrial y los cambeos que traxo apareyaos.

Encontaos en fechos reales o creíbles, los relatos inclúin tamién, dacuando, delles dosis de ficción qu’abren la posibilidá a interpretaciones heterodoxes de los acontecimientos y l’aportar hestóricu.

El formatu d’estampa, al que yá s’averen los testos pol so calter acutáu y el recursu a los encuadres escénicos, acompañar con composiciones figuratives que complementen y refuercen cada relatu o dalguna de les sos partes significatives.