La OSPA interpreta a Schoenberg nel Xovellanos

La OSPA ye un referente dientro y fora d’Asturies pol so versatilidad, la so capacidá interpretativa y la so calidá indiscutible y va interpretar a Schoenberg nel Teatru Xovellanos esti xueves 3 de febreru a les 20 hores.

La OSPA ta compuesta por sesenta y nueve profesores de dellos países de la Unión Europea y tamién de Rusia, Estaos Xuníos, Ecuador y Filipines. La so actividá principal articúlase en redol a les temporaes de conciertos qu’ufierta cada añu n’Uviéu, Xixón y Avilés. Por elles pasaron dalgunos de los solistes y directores más relevantes del panorama internacional, amás de los sos directores titulares, Jesse Levine, Maximiano Valdés y Rossen Milanov.

Programa:

A. Schoenberg (1874-1951)
Nueche tresfigurada, op. 4 (1943 revisión)

Teatro Xovellanos
3 de febreru de 2022 a les 20:00