Portada Conceyos Falláu’l Concursu de Microrrelatos “Día del Llibru” d’Avilés

Falláu’l Concursu de Microrrelatos “Día del Llibru” d’Avilés

by redacción asturnews

Carla Fernández, Emilio Rodil, Claudia García, Martín Peña y Aitor Álvarez, ganaren el Concursu de Microrrelato “Día del Llibru” d’AvilésP pal que se presentaren un total de 59 narraciones. La entrega de premios tuvo llugar esti martes, 25 d’abril, na Biblioteca Bárganos Candamo a les 18.30 hores.

La tercer edición del Concursu de Microrrelato “Día del Llibru”, entamáu pola Rede de Biblioteques Públiques Municipales d’Avilés, yá tien ganadores. Tratase de Carla Fernández Molina y Emilio Rodil García, ex aequo, na categoría de 6 a 8 años; Claudia García González, de 9 a 12; Martín Peña Alba, na de 13 a 18, y Aitor Álvarez Gómez, na de mayores de 18.

Conformaben el xuráu Begoña Mediavilla, técnicu especialista en biblioteca de la Biblioteca de Tecnoloxía y Empresa de la Universidá d’Uviéu; Gloria Sánchez, auxiliar de biblioteca de la Biblioteca Bárganos Candamo; Montserrat Machicado, responsable de la Estaya de la Llingua del Conceyu d’Avilés, y como secretaria, Teresa Pasarín, bibliotecaria de la Fundación Municipal de Cultura del Conceyu d’Avilés.

Presentáronse un total de 59 relatos, de los cualos seis fueron escluyíos al nun cumplir los requisitos establecíos nes bases. La mayoría de los testos veníen de Avilés y conceyos estremeros, pero tamién llegaron dende Valladolid y Zaragoza.

En categoría de 6 a 8 años fueron almitíos 9 relatos, premiándose dos, ex aequo. Los de Carla Fernández Molina, sol seudónimu Pensamientu, col cuentu tituláu “Un llibru una amistá”, y d’Emilio Rodil García, col seudónimu de Pou, por El robu nel trasatlántico”.  Na de 9 a 12 años, almitiéronse 9 testos. La vencedora foi Claudia García González, que se presentó col seudónimu de Teo, pol so relatu “Yo Teo”. Na de 13 a 18, 5 narraciones fueron les almitíes, resultancia ganadora “El pasáu nun pue quedar tapáu”, de Martín Peña Alba, presentáu sol seudónimu de Gustavo del Tarque.

Finalmente, correspondientes a la categoría de mayores d’edá llegaron 30 propuestes válides pa concursar, alzándose col trunfu Aitor Álvarez Gómez, col seudónimu Ron Stard, pol so “Güei nel nuesu programa”.

La entrega de premios tuvo llugar estu martes, 25 d’abril, a les 18.30 hores na Biblioteca Bárganos Candamo y cuntó cola asistencia de la conceyala de Cultura y Promoción de Ciudá d’Avilés, Yolanda Alonso Fernández. Les persones galardonaes recibieren un diploma y un llote de llibros.

Más información

Tamién te podria gustar