Gobiernu y autonomíes apauten abaratar les matrícules universitaries

Gobiernu y autonomíes acaben d’apautase n’abaratar les matrícules universitaries y el nuevu preciu máximu de referencia para los graos va obligar a amenorgar les tases en diez comunidaes, que van tener hasta 2022 para completar el retayu, nun siendo Aasturies una d’elles.

El Ministeriu d’Universidaes y los responsables autonómicos d’educación cimera alcordaron esta selmana un nuevu sistema p’afitar el preciu máximu de les matrícules universitaries que va dexar abaratar les tases de tolos títulos de grau y que va averar los sos costos a los qu’había en 2011, antes del ‘tasazu’ de José Ignacio Wert, que provocó un encarecimientu mediu de les carreres del 14%.

L’alcuerdu, que venceya a toles autonomíes, tomase por mayoría, a propuesta del ministeriu, na Conferencia Xeneral de Política Universitaria, anque col votu en contra de les cuatro comunidaes gobernaes pol PP al pie de Ciudadanos (Andalucía, Murcia, Madrid y Castiella-Llión) y d’Euskadi.

L’aplicación del alcuerdu, cuando se complete nun máximu de trés cursos, va suponer un amenorgamientu mediu n’España de la matrícula añal de los graos en 189 euros al respective de los precios d’esti cursu, yá que supon una rebaxa del 16,7% y el preciu medio pasaría de los 1.123,8 euros actuales -18,73 euros per creitu- a los 935 euros (col creitu en 15,6 euros) futuros. Los precios van variar tamién según el distintu grau de experimentalidad de cada titulación y según les tases máximes asignaes por esti alcuerdu pa cada autonomía.

Como resultancia del alcuerdu, diez comunidaes tendrán de baxar les sos tarifes actuales. Los mayores amenorgamientos tienen de producise en Madrid y Cataluña, que fueron les que más xubieron los sos precios col tasazo y les que tienen matrícules más onerosas. Les tases medies de primera matrícula de grau en dambos territorios tendrán de quedar en 18,46 euros per creitu -un 15% más que la media española de 2011-, polo que Cataluña tien de rebaxar les sos tarifes vixentes nun 43% y Madrid nun 20,7%.

Otres ocho autonomíes tendrán de baxar les sos tases a los mesmos precios por creitu que teníen en 2011. Son les que tienen un preciu mediu ente un 15% más baratu y un 15% más caru de la media nacional. El mayor amenorgamientu va ser pa la Comunidad Valenciana, el 12%; siguida de Navarra, 7,1%; el País Vascu, 4,7%; Estremadura, 4,2%; Aragón, 4,1%; La Rioxa, 3,5%; Baleares, 3%; y Castiella y Llión, 2,6%.
Siete yá cumplen

Otra manera, les otres siete autonomíes nun van tener que tocar les sos tarifes del presente curso, que van ser tamién les sos tases máximes de grau pal próximu. Cinco d’elles, Andalucía, Canaries, Cantabria, Castiella-La Mancha y Murcia, nun tienen que faelo porque les sos matrícules medies nel cursu 2019-2020 son más d’un 15% inferiores a la media nacional. Y Asturies y Galicia, tampoco, porque yá tienen na actualidá tases de grau más baxes -nel primer casu- o iguales -nel segundu- que les que cobraben en 2011. Tampoco la UNED tendrá de tocar los precios medios d’esti cursu -14,70 euros per creitu- de cara al próximu.

L’alcuerdu, amás de liquidar prácticamente’l 14% que les tases de grau xubieron de media dende 2011, tamién va dexar amenorgar les enormes diferencies de precios ente comunidaes pa cursar los mesmos estudios, que nun pararon d’enanchase nestos postreros nueve años. Les universidaes catalanes, a igual titulación, yá yeren en 2011 un 70% más cares de media que les de Galicia o Asturies, pero ye que na actualidá la diferencia engrandóse hasta casi’l triple.