Entamen los talleres y conferencies na Selmana de la Comunicación d’Avilés

El Serviciu de Formación y Emplegu del Conceyu d’Avilés entama la Selmana de la Comunicación pal Emplegu, que se va estender del 22 al 26 de xineru y va cuntar con talleres formativos y conferencies d’espertos.

Al traviés d’una metodoloxía d’aprendizaxe tresversal, los y les participantes van recibir un total de 25 hores de formación n’aspeutos clave para la busca d’empléu, con un programa de conteníos estremaos en trés grandes árees: “Comunicación para l’empléu, cuestión d’actitú”, “El relatu profesional: cómo cuntar quién yes a nivel profesional” y “La entrevista, Storytelling aplicáu a la busca d’empléu”.

Estos talleres van tener llugar nel Centru de Empleo Europa, n’horariu de 9 a 14 hores, ente’l llunes 22 y el vienres 26 de xineru. Nestes acciones formatives van participar tantu persones propuestes pel Área d’Acompañamientu Llaboral como inscrites al traviés del blogue https://avilesformacionyempleo.wordpress.com.

Xuntu con estes sesiones formatives, la Selmana de la Comunicación pal Empléu inclúi la celebración de dos conferencies abiertes al públicu que tamién van xirar en redol a la meyora de les habilidaes comunicatives pa la busca d’empléu. Van Tener llugar el martes 23 y el xueves 25, a les 17 hores, nel Centru de Servicios Universitarios d’Avilés (Cai de La Ferrería, 7), y van tar impartíes polos espertos David Barreda y Alicia Ro, respectivamente. La entrada a estes conferencies ye llibre y gratuita, hasta completar aforu.

“Estratexes de comunicación pal empléu” ye’l títulu de la conferencia que’l formador y consultor David Barreda va impartir el próximu martes 23 n’Avilés. L’oxetivu d’esta charra ye’l d’ayudar a les persones asistentes a desenvolver estratexes comunicatives que-yos dexen tresmitir la so propuesta de valor profesional con nitidez y efectividá, estructurando un mensaxe profesional claro, xenerando asina conexón y oportunidaes d’empléu. Barreda cuenta con casi 10.000 hores d’esperiencia en formación y acompañamientu de procesos colectivos, dinamizando a grupos y equipos dende 1999, ya individuales pa la estratexa personal dende 2008.

Pela so parte, el xueves 25 va llegar la vez de la comunicadora Alicia Ro, quien va pronunciar la conferencia titulada “Fala, convence y conquista”. Les persones asistentes van conocer les claves pa falar en públicu de forma clara y convincente, llogrando les ferramientes pa la so posterior aplicación, tanto en conversaciones interpersonales como en discursos p’audiencies más amplies. Tou ello al traviés de la participación n’exercicios prácticos. Alicia Ro ye comunicadora especializada en marca personal y técniques pa falar en públicu.

El Serviciu de Formación y Empléu del Conceyu d’Avilés diseñó un plan d’actuaciones formatives previstes pal añu 2018 nel que volverán tener presencia les acciones d’autorización pal acompañamientu llaboral, la impartición de formación en certificaos de profesionalidá, l’asesoramientu na creación ya impulsu de proyectos profesionales o les acciones d’actualización profesional, ente otres.

Más información en:

• Blog: https://avilesformacionyempleo.wordpress.com
• Facebook: https://www.facebook.com/formacionyempleo.ayuntamiento.aviles/
• Twitter: https://twitter.com/FYEAviles