ConceyosEducación Entama la inscripción nos 9 nuevos Talleres d’Igualdá d’Avilés by redacción asturnews 14 de setiembre, 2017 written by redacción asturnews 14 de setiembre, 2017 78 La conceyalía d’Igualdá del Conceyu d’Avilés tien programaos 9 talleres gratuitos de participación social pa muyeres que se van impartir nos meses de setiembre, ochobre, noviembre y avientu y pa los que ya puen inscribise los interesaos. El periodu d’inscripción pa estos talleres gratuitos de participación social pa muyeres abre esti xueves 14 de setiembre. Son gratuitos y van impartise na Casa d’Alcuentros de les Muyeres (Edificiu Fueru) y el Centru de Dinamización Tecnolóxica de Marcos del Torniello. Estes actividaes tomen distintes temátiques relatives al desenvolvimientu personal y emocional, el cultural con perspectiva de xéneru y el tecnolóxicu o dixital. Llevaranse a cabu na Casa d’Alcuentru de les Muyeres, edificiu Fueru (C/ Fernando Morán 26) sacante los talleres de desenvolvimientu tecnolóxicu y dixital que se desenvuelven nel Centru de Dinamización Tecnolóxica de la cai Marcos del Torniello, 34. A lo llargo del próximu trimestre podrán entamase actividaes complementaries a los talleres que sían propuestes tanto poles organizadores como poles muyeres que lleven a cabu los talleres, como visites en grupu a esposiciones o recursos municipales, charres-coloquiu o conferencies. Na primer edición d’anguaño yá se desenvolvieron 20 talleres y xuna visita empuesta pol cascu históricu con perspectiva de xéneru con una participación de 233 muyeres. Les inscripciones (máximu de 5 talleres per persona), pueden realizase a partir d’esti 14 de setiembre en www.aviles.es/TSAviles y nes sedes del Serviciu d’Atención Ciudadana: Plaza d’España, 1. Llunes, miércoles y vienres de 8:00 a 14:30 hores. Martes y xueves de 8.00 a 17.00 hores Centro de Servicios Municipales El Focu en Villalegre (C/Santa Apolonia, 126): De llunes a vienres de 8:00 a 14:30 hores. Equí puen vese los talleres previstos 0 FacebookTwitterPinterestEmail Anterior La Universidá va recibir venti millones hasta 2022 siguiente La I Feria de los Descubrimientos Científicos entama a preparase pa payares Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles