El sorprendente papel de Alec Baldwin destaca nel nuevu filme del ‘Joker’

Alec Baldwin ye’l postreru fichaxe estrella de la nueva película que prepara Warner Bros sobro’l Joker que va tar protagonizada por Joaquin Phoenix como’l archienemigo de Batman y Robert De Niro nel papel d’un presentador de televisión rellacionáu col orixe del personaxe.

Baldwin va encarnar nin más nin menos que al padre de Batman, Thomas Wayne, un filántropu de Gotham City que muerre asesináu na cai al pie de la so muyer. Según informó The Hollywood Reporter, esta versión de Thomas va ser distinta a la que vimos hasta agora nos cómics y va ser más “un home de negocios pesáu como si tuviera nel molde d’un Donald Trump de los 80”.

Como se sabe, el mesmu Alec foi l’encargáu d’asonsañar con ésitu al presidente estadounidense nel programa Saturday Night Live, asina que nun-y costará n’absolutu recrear a esti nuevu personaxe.

La cinta, dirixida por Todd Phillips, remontase a los oríxenes del Joker y les razones que lu llevaron a asumir el so rol de villanu.