El Pabellón de La Madalena d’Avilés va convertise nun parque temáticu navidiegu

El Pabellón d’Esposiciones de La Madalena va convertise nun parque temáticu navidiegu dende esti sábadu 3 d’avientu y hasta el sábadu 7 de xineru. Y el 4 de xineru podrá esfrutase per primer vegada n’Avilés un espectáculu de drones que van crear figures navidiegues sobro la Ría.

Son les principales novedaes de la nueva edición de NAvilés, la programación d’actividaes y eventos que, por cuenta de les próximes fiestes navidiegues, entama cada añu la conceyalía de Promoción de Ciudá. La conceyala de l’área, Yolanda Alonso, presentó esti martes un programa variáu con propuestes empobinaes a tolos públicos, con especial atención escontra’l más nuevu y familiar. Amás de cuntar col Pabellón de La Madalena como puntu neurálxicu, NAvilés volverá tener una importante presencia na pista de La Esposición y el parque de Les Meanes, que se van convertir nuna cortil ferial navidiegu con atracciones clásiques ya infantiles.

Nun va faltar tampoco’l Tren Navidiegu, que va percorrer les cais del centru de la ciudá y que, en determinaos horarios, va sirvir como mediu de tresporte por que les families mover hasta’l parque temáticu navidiegu del Pabellón de La Madalena.

Más información